Manjummel Boys : அடித்தளமிட்ட கமல்... பாலோ செய்த “மஞ்சுமெல் பாய்ஸ்”... வியக்கவைக்கும் குணா கேவ்ஸ்!

Manjummel boys : கமலின் 'குணா' படத்தின் மூலம் பிரபலமான குணா கேவ்ஸ் பகுதியில் முழுக்க முழுக்க எடுக்கப்பட்ட “மஞ்சுமெல் பாய்ஸ்” திரைப்படம் குணா மெமரிஸை புதுப்பித்துள்ளது.

குணா - மஞ்சுமெல் பாய்ஸ்

சிதம்பரம் எஸ் பொதுவால் இயக்கத்தில் கடந்த பிப்ரவரி 22 ஆம் தேதி மலையாளத்தில் வெளியான படம் “மஞ்சுமெல் பாய்ஸ்”.

செளபின் சாஹிர், ஸ்ரீநாத் பாஸி , மரியம் ஜார்ஜ் உள்ளிட்ட பலரும் நடித்துள்ளனர்.

2006 ஆம் ஆண்டு நடைபெற்ற உண்மை சம்பவத்தை அடிப்படையாக கொண்டு இப்படம் உருவாக்கப்பட்டுள்ளது.

இப்படம் முழுக்க முழுக்க கொடைக்கானலில் உள்ள குணா குகையை மையப்படுத்தி அமைக்கப்பட்டுள்ளது.

1991ம் ஆண்டு கமல்ஹாசன் நடிப்பில் வெளியான 'குணா' படத்திற்காக கொடைக்கானலில் மக்கள் நடமாட்டமில்லாத பகுதியை கமல்ஹாசன் மற்றும் சந்தான பாரதியும் தேடி கண்டுபிடித்தனர்.

குணா படத்திற்கு பிறகு தான் அந்த குகை 'குணா கேவ்ஸ்' என பிரபலமானது.

மஞ்சுமெல் பாய்ஸ் படம் மூலம் கமலின் குணா படம் பற்றியும் டெக்னாலஜி அதிகமாக வளர்ச்சி முடியாத காலகட்டத்திலேயே அதை சாத்தியமாக்கிய குணா படக்குழுவினரின் முயற்சியை பற்றியும் இன்றைய தலைமுறையினர் தெரிந்து கொள்ள ஒரு வாய்ப்பாக அமைந்துள்ளது.