கோவை மேம்பாலம் பணியில் புதிய சட்ட சிக்கல்! ஆகஸ்ட் மாதத்தில் திறக்கப்படுமா? தாமதத்தின் காரணம் என்ன?

கோவையில் உள்ள கோல்ட்வின்ஸ் வரையிலான பகுதிக்கு மேல் வழிச்சாலை அமைப்பதற்கான முக்கிய முயற்சியாக உள்ளது. மாநில நெடுஞ்சாலை துறையின் சிறப்பு திட்ட பிரிவு இந்த திட்டத்தை செயல்படுத்தி வருகிறது.

அவினாசி மேம்பாலம்

Source : Twitter

கோயம்புத்தூர்: கோவை மாநகரின் போக்குவரத்து சிக்கல்களை குறைக்கும் முக்கிய திட்டமான அவிநாசி சாலை உயர்மட்ட மேம்பாலத் திட்டம், புதிய சட்ட தடையை எதிர்கொண்டு மீண்டும் தாமதம் அடைவதற்கான வாய்ப்புகள் உருவாகியுள்ளது

அவினாசி மேம்பாலம்:

கட்டப்பட்டு வரும் இந்த புதிய மேம்பாலம் மொத்தம் 10.1 கிலோமீட்டர் நீளத்தில் ரூ.1,621.3 கோடி மதிப்பீட்டில் உருவாகும். இந்த மேம்பாலம், அண்ணா சிலை சந்திப்பில் இருந்து கோவையில் உள்ள கோல்ட்வின்ஸ் வரையிலான பகுதிக்கு மேல் வழிச்சாலை அமைப்பதற்கான முக்கிய முயற்சியாக உள்ளது. மாநில நெடுஞ்சாலை துறையின் சிறப்பு திட்ட பிரிவு இந்த திட்டத்தை செயல்படுத்தி வருகிறது.

 புதுச்சட்ட சிக்கல்

தற்போது, பிஆர்எஸ் மைதானம் அருகே உள்ள ரெசிடென்சி ஹோட்டல் அருகேயுள்ள ஒரு தனியார் நில உரிமையாளர், தனது நிலத்திற்கான நுழைவு பாதையை மேம்பாலத் தூண் முற்றிலும் தடுத்துவிட்டதாகக் கூறி சென்னை உயர்நீதிமன்றத்தில் வழக்கு தொடுத்துள்ளார்.

இதன் காரணமாக, அந்த பகுதியில் மேற்கொள்ளப்பட்டிருந்த ரேம்ப் அமைக்கும் பணி நடுவழியில் நிறுத்தப்பட்டுள்ளது. இந்த ரேம்ப் அண்ணா சிலை சந்திப்பிலிருந்து கோவை விமானநிலையம் செல்லும் பாதையின் ஒரு பகுதியாக உள்ளது.

எங்கு எங்கு பணி முடிந்தது?

• பிஎஸ்ஜி கலை மற்றும் அறிவியல் கல்லூரி அருகே உள்ள ரேம்ப் பணி முடிக்கப்பட்டுள்ளது.

• சுகுணா கல்யாண மண்டபம், ஜி.டி. மியூசியம், பீலமேடு காவல் நிலையம் எதிரே போன்ற இடங்களில் பணி தொடர்ந்து நடைபெற்று வருகிறது.

• ஹோப்ஸ் கல்லூரி சந்திப்பில் இரும்பு கீர்டர்கள் ஏற்கனவே அமைக்கப்பட்டு, 8 ஸ்டீல் டெக்குகளில் 4 பூர்த்தி செய்யப்பட்டுள்ளது.

மழைநீர் சேமிப்பு, நீர்த்தேக்கம் தடுக்கும் பணிகள்

மேம்பாலத்தின் கீழ் பகுதிகளில் மழைநீர் தேக்கம் ஏற்படாமல் தடுக்க ஸ்டார்ம்வாட்டர் டிரெயின் அமைக்கும் பணிகள் தீவிரமாக நடைபெற்று வருகிறது. இதற்காக 120 இடங்களில் மழைநீர் சேமிப்பு கிணறுகள் அமைக்கப்படும் என அதிகாரிகள் தெரிவித்துள்ளனர்.

"முக்கிய பணிகள் முழு வேகத்தில் நடக்கின்றன" – அதிகாரிகள் நம்பிக்கை

இந்த வழக்குத் தடை இருந்தபோதும், திட்டத்தின் மற்ற பகுதிகள் மீது எந்தவித தாக்கமும் இல்லாமல் பணி வேகமாக நடக்கிறது என்று திட்ட அதிகாரிகள் தெரிவித்துள்ளனர்.

ஆகஸ்டில் திறக்க வாயப்பு:

தனியார் நில உரிமையாளரின் வழக்கை எதிர்த்து, நெடுஞ்சாலைத் துறை சென்னை உயர்நீதிமன்றத்தில் மேல்முறையீடு செய்துள்ளது. இந்த வழக்கு இந்த மாதத்திற்குள் விசாரணைக்கு வர வாய்ப்புள்ளதாகத் தெரியவந்துள்ளது.

எல்லா சட்ட சிக்கல்களும் விலகினால், மேம்பாலம் வரும் ஆகஸ்ட் மாதம் மத்திய பகுதியில் பொதுமக்கள் பயன்பாட்டுக்கு திறக்கப்படும் என அதிகாரிகள் நம்பிக்கை தெரிவித்துள்ளனர்.