RCB In Finals : இறுதிப்போட்டிக்கு முன்னேறியது ஸ்மிருதி மந்தனா தலைமையிலான ஆர்.சி.பி மகளிர் அணி!

RCB In Finals : இன்று நடைபெற்ற அரையிறுதி போட்டியில் மும்பை அணியை வீழ்த்தி இறுதிப்போட்டிக்கு முன்னேறியது ராயல் சேலஞ்சர்ஸ் பெங்களூரு அணி.

RCB மகளிர் அணி

கடந்த பிப்ரவரி 23 ஆம் தேதி தொடங்கிய மகளிர் ஐ.பி.எல் போட்டிகள் வரும் மார்ச் 17 வரை நடைபெற இருக்கிறது.

17 ஆம் நடைபெற இருக்கும் இறுதிபோட்டிக்கு டெல்லி கேபிடல்ஸ் அணி ஏற்கனவே முன்னேறி உள்ள நிலையில் இன்று மும்பை மற்றும் பெங்களூரு அணிகளுக்கு இடையிலான அரை இறுதிப்போட்டி டெல்லி, அருண் ஜெட்லி மைதானத்தில் தொடங்கியது.

டாஸ் வென்ற பெங்களூரு அணி பேட்டிங்கை தேர்வு செய்து 6 விக்கெட்கள் இழப்பிற்கு 136 ரன்களை மும்பை அணிக்கு இலக்காக நிர்ணயித்தது.

அடுத்ததாக களமிறங்கிய மும்பை இந்தியன்ஸ் அணி 20 ஓவர்கள் முடிவில் 6 விக்கெட்கள் இழப்பிற்கு 130 ரன்கள் மட்டுமே எடுத்திருந்தனர்.

இதனை அடுத்து ஸ்மிருதி மந்தனா தலைமையிலான பெங்களூரு அணி, இறுதிப்போட்டிக்கு முன்னேறியது.

17 ஆம் தேதி அருண் ஜெட்லி மைதானத்தில் நடக்கவிருக்கும் இறுதிப்போட்டியில் மேக் லேனிங் தலைமையிலான டெல்லி கேப்பிடல்ஸ் அணியும் ஸ்மிருதி மந்தனா தலைமையிலான ராயல் சேலஞ்சர்ஸ் பெங்களூரு அணியும் மோதவுள்ளது.