Nungu Kulfi : அடிக்கிற வெயிலை சமாளிக்க நுங்கு குல்ஃபி சாப்பிடுங்க!

Nungu Kulfi Recipe : கோடை காலத்தில் கிடைக்கும் அற்புதமான நுங்கை வைத்து பல விதமான உணவுகளை செய்யலாம்.

நுங்கு குல்ஃபி

தேவையான பொருட்கள்: நுங்கு - 8 , காய்ச்சிய பால் - 2 டம்ளர், சர்க்கரை- 1/2 கப், சோள மாவு- 1 டீஸ்பூன், ஐஸ் குச்சிகள்- 8, நுங்கு துண்டுகள் - 4 டீஸ்பூன்

செய்முறை: நுங்கின் தோலை நீக்கி சுத்தம் செய்து சின்ன துண்டுகளாக நறுக்கி கொள்ளவும்.

அடுத்தது மிக்ஸியில் நுங்கு, சர்க்கரை சேர்த்து அரைக்கவும். அதன் பின் அதில் காய்ச்சிய பால் ஊற்றி அரைக்கவும்.

அடுத்தது, அடுப்பில் ஒரு கடாயை வைத்து மிதமான சூட்டில் அரைத்து வைத்துள்ள நுங்கு பாலை ஊற்றி கொதிக்க விடவும். அதன் பின் சோளமாவை பாலில் கரைத்து நுங்கு பாலுடன் சேர்த்து கிளறவும்.

அதன்பின் நுங்கு பால் கெட்டியானதும் அடுப்பை அணைத்துவிட்டு ஆறவிடவும். அடுத்தது ஒரு டம்ளரில் நுங்கு துண்டுகள் போட்டு நுங்கு பாலை ஊற்றி ஐஸ் குச்சிகளை பொருத்தவும்

அந்த டம்ளரை ஃபிரீசரில் 8 மணி நேரம் வைக்கவும். அதன் பின் டம்ளரில் இருந்து நுங்கு குல்ஃபியை எடுத்து சாப்பிடலாம்.