Sakkarai Pongal : இதை மட்டும் சேருங்க.. கோயிலில் கொடுக்கும் சர்க்கரை பொங்கல் வீட்டிலே ரெடியாகிவிடும்!

Sakkarai Pongal : விசேஷ திருவிழாவில் வைக்கும் ஸ்பெஷல் சர்க்கரை பொங்கலை செய்வது எப்படி என்று பார்க்கலாம்.

சர்க்கரை பொங்கல்

தேவையான பொருட்கள் : பச்சரிசி - 1/2 கப், பாசி பருப்பு - 2 டீஸ்பூன், வெல்லம் - 1 கப், தண்ணீர், நெய் - 3 டீஸ்பூன், முந்திரி பருப்புகள், திராட்சைகள், ஏலக்காய் , கற்பூரம்.

செய்முறை: முதலில் குக்கரை அடுப்பில் வைத்து சூடானதும் பாசி பருப்பை 2 நிமிடம் வறுக்கவும்.

2 நிமிடத்திற்கு பிறகு பச்சரிசி சேர்த்து 2 நிமிடம் வறுக்கவும். அதன் பிறகு 2 1/ 2 கப் தண்ணீர் சேர்த்து மூடி குக்கரை மூடி 3 விசில் வரும் வரை காத்திருக்கவும்.

சர்க்கரை பாகு செய்ய ஒரு பாத்திரத்தை அடுப்பில் வைத்து தண்ணீர் ஊற்றி வெல்லத்தை சேர்த்து பாகாக காய்ச்சிக்கொள்ளவும்.

காய்ச்சிய வெல்ல பாகை பச்சரிசியில் சேர்த்து வேகவிடவும். அதன் பிறகு ஏலக்காய், ஒரு சிட்டிகை கர்ப்பூரம் சேர்த்து நன்கு கிளறிவிட்டு அடுப்பிலிருந்து இறக்கவும்.

கடைசியாக முந்திரி மற்றும் திராட்சையை நெய்யில் வறுத்து சர்க்கரை பொங்கலில் சேர்த்து கிளறிவிட்டால் சுவையான சர்க்கரை பொங்கல் தயார்.