Most Ducks in IPL: ரோகித்துக்கு டஃப் கொடுக்கும் மேக்ஸ்வெல்.. இப்படி சாதனை தேவையா? டக் அவுட் நாயகன் மேக்ஸ்வெல்
Most Ducks in IPL: மேக்ஸ்வெல்லின் 19 டக்-அவுட்களில் ஐந்து அவரது கடைசி 10 ஐபிஎல் இன்னிங்ஸ்களில் வந்துள்ளன.
ஆஸ்திரேலிய ஆல்ரவுண்டர் க்ளென் மேக்ஸ்வெல், குஜராத் அணிக்கு எதிரான போட்டியில் கோல்டன் டக் எடுத்து ஆட்டமிழந்ததை அடுத்து ரோஹித் சர்மா மற்றும் தினேஷ் கார்த்திக்கின் சாதனையை முறியடித்துள்ளார்.
மேக்ஸ்வெல் டக் அவுட்:
அகமதாபாத்தில் உள்ள நரேந்திர மோடி ஸ்டேடியத்தில் நடைபெற்ற ஐந்தாவது இந்தியன் பிரீமியர் லீக் (IPL) போட்டியில் குஜராத் டைட்டன்ஸ் (GT) அணிக்கு எதிரான முதல் பந்திலேயே டக்-அவுட் ஆனார். இந்த டக்-அவுட் மூலம், க்ளென் மேக்ஸ்வெல் ஒரு மோசமான சாதனையை முறியாடித்துள்ளார், ஐபிஎல் போட்டிகளில் இது வரை அதிக முறை டக் அவுட்டானர். இந்த சாதனை பட்டியலில் ரோஹித் சர்மா மற்றும் தினேஷ் கார்த்திக் போன்றவர்களின் சாதனைகளை முறியடித்தார்.
தொடர்ந்து இரண்டாவது முறை:
ஆஸ்திரேலிய நட்சத்திர ஆல்ரவுண்டர் தற்போது ஐபிஎல் வரலாற்றில் அதிக டக்-அவுட்கள் செய்த சாதனையைப் படைத்துள்ளார், தினேஷ் கார்த்திக் மற்றும் ரோஹித் சர்மா ஆகியோரை முந்தி 19வது முறையாக அவுட்டானர். குறிப்பிடத்தக்க வகையில், மேக்ஸ்வெல்லின் கடைசி இரண்டு ஐபிஎல் இன்னிங்ஸ்களும் முதல் பந்திலேயே டக்-அவுட்டாகியுள்ளார்., இதில் ஐபிஎல் 2024 சீசனில் ராயல் சேலஞ்சர்ஸ் பெங்களூரு அணிக்காக அவர் செய்த கடைசி ஆட்டமும் அடங்கும். மேக்ஸ்வெல்லின் 19 டக்-அவுட்களில் ஐந்து அவரது கடைசி 10 ஐபிஎல் இன்னிங்ஸ்களில் வந்துள்ளன.
சாய் கிஷோரிடம் விக்கெட்டை கொடுத்த மேக்ஸ்வெல்;
இந்த போட்டியில் அஸ்மத்துல்லா உமர்சாய் ஆட்டமிழந்த பிறகு R சாய் கிஷோரை எதிர்கொண்ட மேக்ஸ்வெல், முதல் பந்திலேயே ரிவர்ஸ் ஸ்வீப் செய்ய முயன்றார், ஆனால் LBW முறையில் சிக்கினார். ரீப்ளேக்களில் பந்து ஸ்டம்புகளைத் தவறவிட்டிருக்கும் என்பது தெரியவந்தது, ஆனால் மேக்ஸ்வெல் ரிவியூ செய்யாமல் கோல்டன் டக்கிற்குப் பிறகு வெளியேறினார். இது IPL-ல் அவரது 19வது டக், அவரது 10வது கோல்டன் டக் மற்றும் போட்டி வரலாற்றில் எந்தவொரு வீரரும் எடுத்த அதிகபட்ச டக் ஆகும்.
ஐபிஎல் வரலாற்றில் அதிக டக்-அவுட்கள் பெற்ற வீரர்களின் பட்டியல் இங்கே:
1. க்ளென் மேக்ஸ்வெல் - 19 டக் அவுட் (KXIP, MI, PBKS, RCB) [2013-2025]
2. தினேஷ் கார்த்திக் - 18 டக் அவுட் (DD, GL, KXIP, KKR, MI, RCB) [2010-2024]
3. ரோஹித் சர்மா - 18 டக் அவுட் (டெக்கான் சார்ஜர்ஸ், MI) [2008-2025]
4. பியூஷ் சாவ்லா - 16 டக் அவுட் (KXIP, KKR, MI) [2008-2024]
5. சுனில் நரைன் - 16 டக் அவுட் (KKR) [2012-2024]
6. மன்தீப் சிங் - 15 டக் அவுட் (DC, KXIP, KKR, RCB) [2010-2023]
7. ரஷீத் கான் - 15 டக் அவுட் (GT, SRH) [2018-2024]
8. மணீஷ் பாண்டே - 14 டக் அவுட் (DC, KKR, MI, புனே வாரியர்ஸ், RCB, SRH) [2008-2023]
9. அம்பதி ராயுடு - 14 டக் அவுட் (CSK, MI) [2010-2023]
10. ஹர்பஜன் சிங் - 13 டக் அவுட் [MI 2008-2017]
தலைப்பு செய்திகள்
ட்ரெண்டிங் செய்திகள்
