TTF Vasan Meet Varichiyur selvam : 65 வறுத்த வரிச்சூர் செல்வம்!ருசித்த டிடிஎஃப் வாசன்! வைரல் வீடியோ!

மதுரையில் கொலை வழக்கில் ஜாமினில் உள்ள வரிச்சியூர் செல்வத்துடன் நிபந்தனை ஜாமினில் உள்ள டிடிஎஃப் வாசன் சந்திதுள்ளார் - ஜெயில் அனுபவம் குறித்து வரிச்சியூர் செல்வத்திடம் பேசி டிடிஎஃப் வாசன் அறிவுரை கேட்டுள்ள சர்ச்சைக்குரிய வீடியோ ட்ரெண்டாகி வருகிறது.

 

கடந்த 15ஆம் தேதி பிரபல யூட்யூபரான டிடிஎஃப் வாசன் காரை அஜாக்கிரதையாக இயக்கியதாக அண்ணா நகர் காவல் துறையினரால் வழக்கு பதிவு செய்யப்பட்டு கைது செய்யப்பட்டார் இதனையடுத்து அவருக்கு மதுரை மாவட்ட நீதிமன்றம் 10 நாட்கள் காவல் நிலையத்தில் கையெழுத்து இடவேண்டும் என நிபந்தனையுடன் ஜாமின் அளித்தது.

 

 இந்த நிலையில் அண்ணா நகர் காவல் நிலையத்தில் கடந்த இரண்டு நாட்களாக TTF வாசன் கையெழுத்திட்டுவருகிறார். இந்த நிலையில் மதுரையில் தங்கியுள்ள TTF வாசன்  கொலை வழக்கு ஒன்றில் ஜாமினில் உள்ள மதுரை வரிச்சியூர் செல்வத்தை சந்தித்து அவர் சமைத்துக் கொடுத்த உணவை ருசிபார்த்து சாப்பிட்டு விட்டு ஜெயில் அனுபவம் குறித்து பேசினர். அப்போது பேசிய டிடிஎஃப்வாசன் நான் ஜெயிலில் இருந்தபோது பல்வேறு நபர்களை சந்தித்தேன் அவர்கள் ஒவ்வொருவரும் தாங்கள் தங்களது வாழ்நாளில் அனுபவித்ததையும் இனி இதுபோல் செய்யக்கூடாது என்ற பல அறிவுரைகளை வழங்கினார்கள்.

 

அதுபோல உங்களுக்கு உங்கள் வாழ்நாளில் மறக்க முடியாதது சம்பவம் எது என கேள்வி எழுப்பிய போது கும்பகோணம் குழந்தைகள் தீ விபத்து எனது வாழ்நாளில் மறக்க முடியாத சம்பவம் எனவும் அனைவரிடமும் நட்பாக பழகுவேன் இதுதான் என்னுடைய குணம் எனவும் வரிச்சியூர் செல்வம் டிடிஎப் வாசனுக்கு அறிவுரை வழங்கினார். இந்நிலையில் அதற்கு நன்றி தெரிவித்த வாசன்  பேசும் வீடியோவை வரிச்சியூர் செல்வம் தனது instagram பக்கத்தில் வெளியிட்டுள்ளார். 

கொலை வழக்கில் ஜாமினில் உள்ள வரிச்சியூர், செல்வமும், நிபந்தனை ஜாமினில் உள்ள டிடிஎப் வாசனும் சந்தித்து பேசிய வீடியோ சமூகவலைதளங்களில் சர்ச்சைக்குரிய பேசுபொருள் ஆகியுள்ளது