Vamika pics: பேட்டை வைத்து தாலாட்டு... பழைய புகைப்படங்களை வைரலாக்கிய கோலி ரசிகர்கள்

வைரலான விராட் கோலியின் குழந்தைப்பருவ புகைப்படம்

கிரிக்கெட் உலகிலே மிகவும் அழகான தம்பதியினராக வலம் வரும் விராட்கோலி – அனுஷ்கா சர்மாவிற்கு வாமிகா என்ற பெண் குழந்தை உள்ளது.

குழந்தை பிறந்து ஓராண்டாகியும் இதுநாள் வரை வாமிகாவின் புகைப்படங்ளை விராட்கோலியும் – அனுஷ்காவும் வெளியிட்டதே இல்லை.

ஆனால், வாமிகாவின் பின்புறத் தோற்றத்தையும், வாமிகாவை விராட் – அனுஷ்காவும் கொஞ்சும் புகைப்படங்கள் மட்டுமே வெளியாகி வந்தது.

இந்தியா, தென்னாப்ரிக்கா மோதிய மூன்றாவது ஒரு நாள் போட்டியின்போது கோலி அரைசதம் அடித்தவுடனே பெவிலியனில் இருந்த இந்திய வீரர்கள் அனைவரும் கைதட்டி பாராட்டினர். அப்போது, பெவிலியன் உள்ளே இருந்து விராட்கோலியின் மனைவி அனுஷ்கா சர்மா தனது குழந்தையான வாமிகாவுடன் வெளியே வந்தார்.

வமிகாவின் புகைப்படம் வைரலானதை அடுத்து, அனுஷ்கா ஷர்மா, கோலியின் குழந்தைக்கால புகைப்படங்களும் வைரலாக தொடங்கியுள்ளது

தனது மகளைப் பார்த்து கோலி பேட்டை வைத்து தாலாட்டிய வீடியோவையும் ரசிகர்கள் சமூக வலைதளங்களில் பகிர்ந்து வருகின்றனர்.