Animal Box office : ஒரே நாளில் இத்தனை கோடி வசூலா..? சாதனை படைத்த ரன்பீர் கபூரின் அனிமல்!

நேற்று வெளியான அனிமல் திரைப்படம் உலக அளவில் 116 கோடி வசூல் செய்துள்ளதாக தயாரிப்பு நிறுவனம் சார்பில் தெரிவிக்கப்பட்டுள்ளது.

அனிமல் படத்தின் போஸ்டர்

சந்தீப் ரெட்டி வங்கா இயக்கத்தில் ரன்பீர் கபூர், ராஷ்மிகா மந்தனா, பாபி தியோல் மற்றும் அனில் கபூர் நடித்த அனிமல் திரைப்படம் நேற்று வெளியானது.

அனிமல் திரைப்படத்திற்கு ஆரம்பித்திலிருந்தே பில்டப் பலமாக வந்துகொண்டிருந்த நிலையில், இந்த திரைப்படம் மக்கள் மத்தியில் பெரும் எதிர்பார்ப்பை ஏற்படுத்தியிருந்தது.

நேற்று வெளியான அனிமல் திரைப்படம் உலக அளவில் 116 கோடி வசூல் செய்துள்ளதாக தயாரிப்பு நிறுவனம் சார்பில் தெரிவிக்கப்பட்டுள்ளது.

ஸ்பெஷலான விடுமுறை நாளில் வெளியாகாமல் ஒரு படம் இவ்வளவு பெரிய வெற்றி பெற்று இருப்பது பாலிவுட் வட்டாரத்தில் பெரிதாக பார்க்கப்படுகிறது.

வசூல் ரீதியாக வெற்றி பெற்றாலும், விமர்சன ரீதியாக பின்னடைவை சந்தித்துள்ளது அனிமல். அனிமல் திரைப்படம் 3 மணிநேரம் 21 நிமிடங்களை கொண்ட நீண்ட நெடிய படமாக இருப்பதே படத்தின் முதல் சொதப்பல் எனவும், திரைப்படத்தில் தேவையில்லாத இடங்களில் சண்டைக்காட்சிகள் இருக்கிறது, ஆணாதிக்க திரைக்கதை என நெகட்டிவ் கமெண்ட்களை அனிமல் திரைப்படம் பெற்றுவருகிறது.

படத்தின் சில காட்சிகள் வைத்தே ஆகவேண்டும் என்பதுபோல் இருந்ததாக படத்தை பார்த்த ரசிகர்கள் தங்களின் விமர்சனங்களை பதிவு செய்து வருகின்றனர்.