Cinema News : ஒரே நாளில் இத்தனை அப்டேட்களா? இன்று மாலை வரை காத்திருங்க!

Cinema News : வேட்டையன், சூர்யா 44, கூலி உள்ளிட்ட படங்கள் குறித்த சூப்பரான அப்டேட்கள் வந்துள்ளன.

சினிமா செய்திகள்

டி ஜே ஞானவேல் இயக்கத்தில் ரஜினிகாந்த் நடித்துள்ள வேட்டையன் படத்தின் ஷூட்டிங் இன்று முடிவடைந்துள்ளது என படக்குழு எக்ஸ் பக்கத்தில் பதிவிட்டுள்ளது. இப்படம் அக்டோபர் 10 ஆம் தேதி வெளியாகும் எனவும் படக்குழு அறிவித்துள்ளது.

தமிழரசன் பச்சமுத்து இயக்கத்தில் அட்டகத்தி தினேஷ், ஹரீஷ் கல்யாண் நடித்துள்ள லப்பர் பந்து படத்தின் டிரெய்லர் இன்று மாலை 5 .15 மணிக்கு வெளியாக உள்ளது என படக்குழு அறிவித்துள்ளது.

ரஜினிகாந்தை வைத்து லோகேஷ் கனகராஜ் இயக்கவிருக்கும் படம் கூலி. இப்படத்தில் யாரெல்லாம் என்னென்ன கதாபாத்திரத்தில் நடிக்கவுள்ளனர் என்ற விபரங்கள் இன்று மாலை 6 மணிக்கு வெளியாகும் என படக்குழு அறிவித்துள்ளது.

சூர்யாவின் 44 வது படத்தை கார்த்திக் சுப்பராஜ் இயக்கி வருகிறார். ஊட்டியில் நடந்த படப்பிடிப்பில் கமர்ஷியல் பாடல் ஒன்று படம்பிடிக்கப்பட்டதாகவும் அதில் சூர்யாவுடன் நடிகை ஸ்ரேயா நடனமாடியுள்ளதாகவும் கூறப்படுகிறது.

எழில் பெரியவேடி இயக்கத்தில் உருவாகியுள்ள படம் பராரி. இப்படத்தின் டீஸர் இன்று மாலை 4 மணிக்கு வெளியாகும் என படக்குழு அறிவித்துள்ளது.