Sara Arjun: ‘சின்னஞ்சிறு நிலவே..’ விஜய் படத்தில் கதாநாயகியாக அறிமுகமாகும் பேபி சாரா..? முழு தகவல் இதோ!

Sara Arjun : 2011ல் வெளியான ‘தெய்வ திருமகள்’ திரைப்படத்தின் மூலம் குழந்தை நட்சத்திரமாக அறிமுகமான சாரா, தற்போது கதாநாயகியாக அறிமுகமாக இருப்பதாக தகவல் வெளியாகி உள்ளது.

சாரா அர்ஜுன், விஜய்

2011 ஆம் ஆண்டு விஜய் இயக்கத்தில் வெளியான ‘தெய்வ திருமகள்’ திரைப்படத்தின் மூலம் குழந்தை நட்சத்திரமாக அறிமுகமானவர் பேபி சாரா.

இவர் அப்படத்தில் ‘நிலா’ என்ற கதாபாத்திரத்தில் நடித்து ரசிகர்களின் மனதை வென்றார்.

அதன் பிறகு 2014 ஆம் ஆண்டில் மறுபடியும் விஜய் இயக்கத்தில் ‘சைவம்’ திரைப்படத்தில் நடித்தார்.

நீண்ட காலத்திற்கு பிறகு சமீபத்தில் மணிரத்னம் இயக்கத்தில் வெளியான பொன்னியின் செல்வன் திரைப்படத்தில் நடித்து பாராட்டுகளை பெற்றார் சாரா.

இந்நிலையில் தற்போது இவர் கதாநாயகியாக நடிக்க இருப்பதாக தகவல் வெளியாக உள்ளது.

இந்த படத்தையும் விஜய்யே இயக்குவார் என்று கூறப்படுகிறது. மேலும் இப்படம் 2025 ஆம் ஆண்டு வெளியாகும் என்றும் பேசப்பட்டு வருகிறது.