ஆரோவில்லில் கல்வி புரட்சி...! ஒவ்வொரு குழந்தையும் வெற்றி பெற புதிய பயிற்சி: ஆசிரியர்களுக்கு இலவச வாய்ப்பு!
ஆரோவில்லில் கல்வி புதிய புரட்சியில் ஒவ்வொரு குழந்தையும் வெற்றி பெறும் வகையில் ஆரோவில் முன்வைக்கும் புதிய பயிற்சி முயற்சி.
தமிழ்நாடு – இந்தியாவின் கல்வி அமைப்பில் ஆழமான மாற்றத்தை ஏற்படுத்தும் முயற்சி, தற்போது ஆரோவில் நகரத்தில் நடைபெற்று வருகிறது. ஶ்ரீ அரவிந்தோ சர்வதேச கல்வி மற்றும் ஆராய்ச்சி நிறுவனம் (SAIIER)-இல் தொடங்கப்பட்டுள்ள இப்புதிய பயிற்சி திட்டம், ஒவ்வொரு குழந்தையின் தனித்திறமை மற்றும் கற்றல் பாணியை புரிந்துகொண்டு, அவர்களுக்கு உகந்த வகையில் கற்றல் சூழலை உருவாக்கும் நோக்கத்துடன் நடைமுறைக்கு வந்துள்ளது.
இந்தப் புதிய முயற்சியின் பின்புலத்தில், ஆரோவில் அறக்கட்டளையின் செயலாளர் மற்றும் குஜராத் மாநிலத்தின் கூடுதல் தலைமைச் செயலாளர் டாக்டர் ஜெயந்தி எஸ், IAS உள்ளார். அவரின் பார்வை தெளிவானது: “இன்றைய குழந்தைகளே நாளைய இந்தியாவின் தூண்கள். அவர்களை எப்படி வளர்க்கிறோமோ, அதேபோலவே நாளைய சமுதாயத்தின் வடிவம் அமையும்.” அவரின் நோக்கம், அன்னை கூறிய “பள்ளி ஒரு விளையாட்டாக இருக்க வேண்டும்; விளையாடிக்கொண்டே அவர்கள் கற்றுக்கொள்வார்கள்” என்ற தத்துவத்தை செயல்படுத்துவதே.
குழந்தைகளைப் புரிந்து கொள்ளும் புதிய பார்வை
SAIIER தலைவராகப் பணியாற்றும் டாக்டர் சஞ்சீவ் ரங்கநாதன் விளக்குகிறார்: “சிறப்பு தேவைகள் என்பது வெறும் ஆட்டிசம் அல்ல. ஒவ்வொரு குழந்தைக்கும் தனித்துவமான கற்றல் பாணி உள்ளது. அதை உணரவும், உணர்ந்தவுடன் அதற்கேற்ப கற்றல் சூழல் உருவாக்கவும் நாங்கள் ஆசிரியர்களை பயிற்சி அளிக்கிறோம்.”
ஆரோவில் ஆசிரியையான ஆனா, தனது அனுபவங்களைப் பகிர்ந்து கொண்டு கூறுகிறார்:
“குழந்தை ஒன்றை நாம் ‘குழப்பமானவர்’ என்று கருதினாலும், உண்மையில் அவர் ஒரு தனித்திறமை வாய்ந்த நபராக இருக்கக்கூடும். அவரின் கற்றல் பாணி வேறுபட்டிருக்கலாம்.” வகுப்பறை ஒரு அனுபவ மையமாக மாறுகிறது SAIIER வகுப்பறைகள் இன்று பரிசோதனை மையங்களாக மாறியுள்ளன. கணிதம் கற்பிக்க கணக்குப் பொருட்கள், வரலாற்றைக் கற்பிக்க நாடக நாடகம், அறிவியலை கற்றுக்கொள்ள நடைமுறை முயற்சிகள், விளையாட்டு, நினைவாற்றல் விளையாட்டுகள் போன்றவற்றை ஆசிரியர்கள் பயன்படுத்துகிறார்கள். “கற்றல் என்பது கண்காட்சியாக அல்ல; அது கையைப் பயன்படுத்தி, கண்ணால் பார்ப்பதாய், உணர்வதாய் இருக்க வேண்டும்,” என்கிறார் ஆனா.
இரு ஆசிரியர் முறை – ஒவ்வொரு குழந்தைக்கும் கவனம்
ஒவ்வொரு வகுப்பறையிலும் ஒரே நேரத்தில் இரண்டு ஆசிரியர்கள் இருக்கின்றனர். ஒருவர் பாடங்களை கற்பிக்க, மற்றவர் குழந்தைகளின் சிக்கல்களை கவனிக்கின்றனர். இந்த ‘முதன்மை + ஆதரவு ஆசிரியர்’ முறை, மாணவர்களின் தனிப்பட்ட தேவைகளை பூர்த்தி செய்ய உதவுகிறது.
மேலும், சில மாணவர்களுக்கு ‘ஷாடோ டீச்சர்’ எனப்படும் தனிப்பட்ட வழிகாட்டி ஒருவரும் வகுப்பில் இருக்கின்றார்.
“அந்த ஆசிரியர், அந்தக் குழந்தையின் முன்னேற்றத்தையே மட்டும் கவனித்து உதவி செய்கிறார்,” என்கிறார் . அறிவியல் அடிப்படையில் நடைமுறைக்கான பயிற்சி. இந்த திட்டம் வெறும் பார்வைமிகுந்த கல்வி ஆகவில்லை – அது மூளை மேப்பிங், தனிப்பட்ட கல்வி திட்டம் (IEP), மற்றும் விரிவான மதிப்பீட்டு முறைகளை அடிப்படையாகக் கொண்டுள்ளது. “ஒவ்வொரு ஆசிரியரும் மூளையின் ஒரு பகுதியை ஆராய, அதன் அடிப்படையில் குழந்தையின் கற்றல் சிக்கல்கள் எங்கே இருக்கின்றன என்பதை கண்டறிகிறார்கள்,” என்கிறார் ராதா கிருஷ்ணன்.
ஒருங்கிணைந்த வளர்ச்சி – அறிவு, மனம், உடல், ஆன்மிகம்
SAIIER-ல் குழந்தைகள் முழுமையான மனிதர்களாக வளர்வதை நோக்கமாகக் கொண்டுள்ளது. “உடல், மனம், உளவியல், ஆன்மிகம் – அனைத்தும் இணைந்து குழந்தையின் வளர்ச்சியில் பங்கெடுக்க வேண்டும்,” என்கிறார் ஆனா. இது வெறும் கல்விக்காக அல்ல – மனித சமூகத்தின் பரந்த வளர்ச்சிக்காகும்.
இந்திய ஆசிரியர்களுக்காக – இலவச பயிற்சி
இந்த பயிற்சி திட்டம், இந்திய முழுவதிலும் உள்ள அரசு மற்றும் தனியார் பள்ளி ஆசிரியர்களுக்காக இலவசமாக வழங்கப்படுகிறது. “இந்த திட்டம் இலவசம். யார் வேண்டுமானாலும் பங்கேற்கலாம்,” என்கிறார் டாக்டர் ரங்கநாதன். பயிற்சி 10 மாதங்கள் நடைபெறும். ஒவ்வொரு வாரமும் ஆசிரியர்கள் தாங்கள் கற்றதை வகுப்பறையில் நடைமுறைப்படுத்தி, அதை SAIIER-க்கு அறிக்கையாக சமர்ப்பிக்க வேண்டும். SAIIER அதனை மதிப்பீடு செய்து பின்னூட்டம் வழங்குகிறது.
இந்தியாவிற்கு பரவக்கூடிய ஒரு கல்வி மாடல்
“இது முதல் முறையாக நாங்கள் இப்படியொரு முழுமையான பயிற்சி திட்டத்தை செயல் படுத்துகிறோம். நல்ல வரவேற்பு கிடைத்தால், இதை மாநில அளவிலும், தேசிய அளவிலும் விரிவுபடுத்துவோம்,” என்கிறார் டாக்டர் ரங்கநாதன். இப்பயிற்சியில் ஏற்கனவே பல மாநில ஆசிரியர்கள் பங்கேற்றுள்ளனர். மாநில அரசுகள் மற்றும் கல்வி நிறுவனங்களும் இதனை கவனத்தில் எடுத்து வருகின்றன. முடிவில் – ஒவ்வொரு குழந்தைக்கும் ஒரு இடம் உண்டு
இந்த திட்டத்தின் அடிப்படையான உண்மை – “ஒரு குழந்தையும் வகுப்பறையில் தொலைந்து போகக்கூடாது.” ஒவ்வொரு குழந்தையின் தனித்திறனையும் கண்ணியமாக ஏற்று, அவர்களைப் புரிந்து கொண்டு கற்றலை வாழ்வாக மாற்றும் இந்த முயற்சி, ஒரு சமூக மாற்றத்திற்கான துவக்க புள்ளியாக உள்ளது.
தலைப்பு செய்திகள்
ட்ரெண்டிங் செய்திகள்
