Vijayakanth : 71ஆவது பிறந்தநாளன்று ரசிகர்களுக்கு காட்சி அளித்த கேப்டன்..மகிழ்ச்சி கடலில் ரசிகர்கள்!

Vijayakanth: சில நாள்களுக்கு முன் விஜயகாந்தின் உடல்நிலையில் பின்னடைவு ஏற்பட்டதாக அவரது மகன் விஜயபிரபாகரன் தெரிவித்திருந்த நிலையில், இன்று விஜயகாந்த தொண்டர்கள், ரசிகர்களை சந்தித்து வருகிறார்.

விஜயகாந்த்

தமிழ் சினிமாவில் எந்த பின்புலமும் இல்லாமல் எளிமையாக தன் பயணத்தைத் தொடங்கி, இன்று சினிமாவை விட்டு ஒதுங்கி இருந்தாலும் விருட்சமாக வளர்ந்து நிற்பவர் விஜயகாந்த். சினிமா, அரசியல் என முத்திரை பதித்து தவிர்க்க முடியாத நபராகத் திகழும் விஜயகாந்த் இன்று தன் 71ஆவது பிறந்தநாளைக் கொண்டாடுகிறார்.

கடந்த சில நாள்களுக்கு முன் விஜயகாந்தின் உடல்நிலையில் பின்னடைவு ஏற்பட்டதாக தகவல்கள் பரவிய நிலையில், அவரது மனைவியும், தேமுதிக கட்சி பொருளாளருமான பிரேமலதா உள்ளிட்ட தேமுதிகவினர் இத்தகவலை மறுத்தனர்.