![ABP Premium](https://cdn.abplive.com/imagebank/Premium-ad-Icon.png)
Watch Video: அம்மாடியோவ்...புதிய நாடாளுமன்றத்தில் உட்புறம் இப்படி இருக்கா?.. பர்ஸ்ட் லுக் வெளியீடு!
New Parliament Building First Look Video: நவீன தொழில்நுட்ப உதவியுடன் கட்டப்பட்டுள்ள புதிய நாடாளுமன்றம் அனைவரும் வியக்கும் வகையில் உள்ளது.
![Watch Video: அம்மாடியோவ்...புதிய நாடாளுமன்றத்தில் உட்புறம் இப்படி இருக்கா?.. பர்ஸ்ட் லுக் வெளியீடு! New Parliament Building First Look Video Interior New Parliament House Delhi View Watch Watch Video: அம்மாடியோவ்...புதிய நாடாளுமன்றத்தில் உட்புறம் இப்படி இருக்கா?.. பர்ஸ்ட் லுக் வெளியீடு!](https://feeds.abplive.com/onecms/images/uploaded-images/2023/05/26/b5f6a66528e5eb169d505c80fb899ce61685101317805729_original.jpg?impolicy=abp_cdn&imwidth=1200&height=675)
புதிய நாடாளுமன்ற கட்டிடத்தில் உட்புறம் எப்படி இருக்கும் என்பதை விளக்கும் வகையில் பர்ஸ்ட் லுக் ஒன்று வெளியிடப்பட்டுள்ளது. நவீன தொழில்நுட்ப உதவியுடன் கட்டப்பட்டுள்ள புதிய நாடாளுமன்றம் அனைவரும் வியக்கும் வகையில் உள்ளது. பிரதமர் மோடி நாளை மறுநாள் திறந்துவைக்க உள்ள புதிய நாடாளுமன்ற கட்டிடத்தில், பல்வேறு சிறப்பம்சங்கள் மற்றும் வசதிகள் இடம்பெற்றுள்ளன.
#WATCH via ANI Multimedia | First Look of the newly constructed Parliament buildinghttps://t.co/ydoEOMGSX6
— ANI (@ANI) May 26, 2023
இந்த வசதிகள் பர்ஸ்ட் லுக் வீடியோவில் காட்டப்பட்டுள்ளது. புதிய நாடாளுமன்ற கட்டடம் 1200 கோடி ரூபாய் செலவில், 18 ஏக்கர் அளவுக்கு அதாவது 64,500 சதுரமீட்டர் பரப்பளவில் கட்டப்பட்டுள்ளது.
மக்களவை மற்றும் மாநிலங்களவை:
இனிவரும் காலங்களில் நாடு முழுவதும் தொகுதிகள் மறுபங்கீடு செய்யப்பட வாய்ப்பு உள்ளதால், உறுப்பினர் எண்ணிக்கை அதிகரிக்க வாய்ப்பு உள்ளதால் கூடுதல் இடவசதியுடன் புதிய நாடாளுமன்றம் கட்டப்பட்டுள்ளது. மக்களவை மற்றும் மாநிலங்களவை தலைவர் அமரும் இருக்கைகள் மேலே அசோக சக்கரம் பொருத்தப்பட்டுள்ளது.
இதுவும் பர்ஸ்ட் லுக் வீடியோவில் காட்டப்பட்டுள்ளது. நாடாளுமன்ற உறுப்பினர்கள் வாக்களிக்க வசதியாக இருக்கைகளில் பயோமெட்ரிக்ஸ், டிஜிட்டல் மொழிபெயர்ப்பு சாதனங்கள், மாற்றக்கூடிய மைக்ரோ போன்கள் போன்றவை இடம்பெற்றுள்ளன. ஒவ்வொரு உறுப்பினரின் இருக்கையிலும் மல்டிமீடியா காட்சி வசதி உள்ளது.
கேலரிகளில் எங்கு அமர்ந்தாலும் சாமானியர்கள் தெளிவாகத் தெரியும் வகையில் இருக்கைகள் ஏற்பாடு செய்யப்பட்டுள்ளன. ஊடகங்களுக்கு விசேஷ மற்றும் நவீன ஏற்பாடுகள் செய்யப்பட்டுள்ளன. ஊடகங்களுக்கு மொத்தம் 530 இடங்கள் ஒதுக்கப்பட்டுள்ளன.
முக்கோண வடிவிலான புதிய நாடாளுமன்ற கட்டிடத்தின் பிரதான வாயில்களுக்கு அறிவு, சக்தி, கர்மா என்றும் பெயர் சூட்டப்பட்டுள்ளது. இந்த 3 வாயில்களுக்கு அருகில் ஆயிரக்கணக்கான ஆண்டு இந்திய வரலாற்றை விளக்கும் வெண்கலப் படங்கள் நிறுவப்பட்டுள்ளன. அறிவு வாயில் அருகே நாளந்தாவின் உருவங்கள்.
அசத்தலான உட்புறம்:
மகாத்மா காந்தியின் தண்டி யாத்திரையின் காட்சிகள், கர்மா வாயிலின் ஒருபுறம் கோனார்க், சக்ரா மற்றும் மறுபுறம் சர்தார், வல்லபாய் படேல், பாபாசாஹேப் அம்பேத்கார் வெண்கல சிலைகள் உள்ளன. அனைத்து மாநிலங்களின் ஓவியங்களும் சிற்பங்களும் இதில் வைக்கப்பட்டுள்ளன.
புதிய லோக்சபா சேம்பர் இந்தியாவின் தேசிய பறவையான மயிலைப் போன்று வடிவமைக்கப்பட்டுள்ளது. மறுபுறம், புதிய ராஜ்யசபா சேம்பர் தேசிய மலரான தாமரைக்கு ஒத்திருக்கிறது. புதிய கட்டிடத்தில், லோக்சபா மற்றும் ராஜ்யசபாவில் உள்ள ஒவ்வொரு பெஞ்சிலும் இரண்டு உறுப்பினர்கள் அருகருகே அமர முடியும்
புதிய கட்டிடத்தில் மழைநீர் சேகரிப்பு மற்றும் நீர் மறுசுழற்சி அமைப்புகள் இடம்பெறும். கட்டிடம் முழுவதும் 100% யுபிஎஸ் பவர் பேக்கப் வழங்கப்படும்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)