யப்பா, ஒரே ஜம்ப் தான்; 2-ல் இருந்து நேராக 5 ஸ்டார் பாதுகாப்பு மதிப்பீட்டுக்கு தாவிய கார் எது தெரியுமா.?
Nissan Magnite Safety Rating: தற்போது கார் வாங்கும் வாடிக்கையாளர்கள், அதன் பாதுகாப்பையும் கவனிக்கத் தொடங்கிவிட்டார்கள். இந்நிலையில், ஒரு கார் 2-ல் இருந்து நேராக 5 ஸ்டார் ரேட்டிங்கிற்கு தாவியுள்ளது.
இந்தியாவில் தயாரிக்கப்பட்ட நிசான் மேக்னைட் கார், பெரியவர்களுக்கு 5 நட்சத்திர மதிப்பீட்டையும், குழந்தைகள் பாதுகாப்பிற்கு 3 நட்சத்திர மதிப்பீட்டையும் பெற்று அசத்தியுள்ளது.
2-ல் இருந்த 5 நட்சத்திர மதிப்பீட்டிற்கு மேம்பட்ட நிசான் மேக்னைட்
நிசான் நிறுவனம் தொடர்ச்சியான முன்னேற்ற செயல்பாடுகளில் ஈடுபட்டு வருகிறது. அதன் ஒரு பகுதியாக, அந்நிறுவனத்தின் ஹிட் மாடலான மேக்னைட்டில் 6 ஏர் பேக்குகள் மற்றும் மின்னணு நிலைத்தன்மை கட்டுப்பாடு(ESC) போன்ற தொடர்ச்சியான பாதுகாப்பு மேம்பாடுகளை அறிமுகப்படுத்தியது.
இந்நிலையில், ஒரு தன்னார்வ சுற்று சோதனைக்கு ஒரு மாதிரியை சமர்ப்பித்தது. இந்த தொடர் சோதனைகள் மிகவும் மேம்பட்ட 4 நட்சத்திர மதிப்பீட்டை தந்தன. அதிலும் திருப்தி அடையாத நிசான் நிறுவனம், மேக்னைட்டை மேலும் மேம்படுத்தி, 2-வது தன்னார்வ சோதனைக்கு சமர்ப்பித்தது.
இதையடுத்து, குளோபல் NCAP-ன் தற்போதைய நெறிமுறைகளின் கீழ், சமீபத்திய சோதனையில், மேக்னைட் கார், பெரியவர்களுக்கான 5 நட்சத்திர மதிப்பீட்டையும், குழந்தைகள் பாதுகாப்பிற்காக 3 நட்சத்திர மதிப்பீட்டையும் பெற்றுள்ளது. இது, முந்தைய மாடலை விட வியத்தகு முன்னேற்றமாக கருதப்படுகிறது. நிசான் மேக்னைட் காரைப் பற்றிய தற்போது பார்க்கலாம்.
ஃபேஸ்லிஃப்ட் செய்யப்பட்ட நிசான் மேக்னைட்
நிசான் நிறுவனத்தின் மேக்னைட் கார் மாடல் கடந்த சில ஆண்டுகளாகவே இந்திய சந்தையில் உள்ளது. ஆனால், 2024-ல் தான் ஒருவழியாக அது ஃபேஸ்லிஃப்ட் செய்யப்பட்டது. அதேநேரம், இதில் மாற்றங்கள் பெரும்பாலும் அழகுப்படுத்துதலில் மட்டுமே உள்ளன. மேக்னைட் ஃபேஸ்லிஃப்ட் எந்த விலை உயர்வையும் கொண்டிருக்கவில்லை. அதன்படி, காரின் விலை ரூ.5.99 லட்சத்தில் இருந்து தொடங்குகிறது. அதாவது, இந்திய சந்தையில் தற்போதும் மேக்னைட் மிகவும் மலிவு விலை எஸ்யூவிகளில் ஒன்றாக உள்ளது.
இதனிடையே, டர்போ பெட்ரோல் மேக்னைட் விலை ரூ 9.19 லட்சத்தில் இருந்து தொடங்குகிறது. சிவிடி மிகவும் மலிவு விலையில் ரூ 9.7 லட்சத்தில் இருந்து தொடங்குகிறது. டாப்-எண்ட் Magnite CVT டர்போ ரூ.11.5 லட்சம் என நிர்ணயம் செய்யப்பட்டுள்ளது.
வடிவமைப்பு மாற்றங்கள்
மேக்னைட்டின் மாற்றங்கள் பெரும்பாலும் முன்பகுதியில் தான் செய்யப்பட்டுள்ளன. அதன்படி, பெரிய கிரில் மற்றும் வித்தியாசமான பளபளப்பான கருப்பு ட்ரீட்மென்ட் ஆகியவை இடம்பெற்றுள்ளன. இது ஹெட்லேம்ப்களுடன் அதிகம் கலக்கிறது. பம்ப்பரும் மாற்றியமைக்கப்பட, இது முன்பக்கத்தில் அதிக இருப்பை பதிவு செய்வதோடு, பெரிய ஸ்கிட் பிளேட்டைக் கொண்டுள்ளது.
DRL-கள் அப்படியே இருக்கும். ஆனால், ஹெட்லேம்ப்புகள் புதுப்பிக்கப்படுகின்றன. புதிய 16-இன்ச் அலாய் வீல்கள் கவனம் ஈர்க்கிறது. பக்கவாட்டில் வேறு எந்த மாற்றமும் செய்யப்படவில்லை. இதற்கிடையே, பின்புறம் புதிய LED லைட்கள் மற்றும் புதிய சன்ரைஸ் கூப்பர் வண்ணம், தோற்றத்தை மேலும் புத்துணர்ச்சியடையச் செய்கிறது. பழைய மேக்னைட்டைப் போலல்லாமல், புதிய எடிஷனில் அனைத்தும் மந்தமாக இல்லை. டூயல் டோன் தோற்றம் முழுவதும் நன்றாக இருக்கும் வேளையில், அடிப்படை வடிவமைப்பு ஒரே மாதிரியாக இருக்கும்.
மேக்னைட்டில் உள்ள வசதிகள்
இந்த காரில் புதிய அம்சம் என்னவென்றால், ஸ்டீயரிங் பளபளப்பான கருப்பு தோற்றத்துடன் உள்ளது. அதே சமயம் வடிவமைப்பு இப்போது சற்று அதிக பிரீமியமாக உள்ளது. தொடுதிரை, 360 டிகிரி கேமரா, க்ளைமேட் கன்ட்ரோல், ஏசி வென்ட்கள் இருக்கும் போது, டிஜிட்டல் இன்ஸ்ட்ரூமென்ட் க்ளஸ்ட்டர் மேம்படுத்தப்பட்டுள்ளது. புதிய ஆட்டோ டிம்மிங் ஐஆர்விஎம், புதிய டைப்-சி சார்ஜிங் மற்றும் ரிமோட் கீ ஃபோப் மற்றும் அயனிசர் இருக்கும் புதிய ஐ-கீ ஆகியவை சேர்க்கப்பட்டுள்ளன.
1.0 NA மற்றும் 1.0L டர்போ பெட்ரோல் இன்ஜின்கள் AMT/CVT விருப்பங்களைப் போலவே இரண்டுக்கும் நிலையான மேனுவல் ஆப்ஷனும் தொடர்கிறது. விலைகள் ஒரே மாதிரியாக இருப்பது ஒரு நல்ல விஷயம் மற்றும் மேக்னைட் விலைக்கான மதிப்பை கொண்டுள்ளது.
தலைப்பு செய்திகள்
ட்ரெண்டிங் செய்திகள்
