Hardik Pandya : உலகக் கோப்பை அணியில் இருந்து ஹர்திக் நீக்கம்..பிரஷீதிற்கு அடித்தது லக்!

Hardik Pandya : காயம் காரணமாக உலகக் கோப்பை கிரிக்கெட் அணியில் இருந்து இந்திய வீரர் ஹார்திக் பாண்டியா நீக்கப்பட்டுள்ளார்.

ஹர்திக் பாண்டியா

உலகக் கோப்பை கிரிக்கெட் போட்டிகள் இந்தியாவில் நடைபெற்று வருகிறது.

இந்நிலையில் கடந்த மாதம் புனேவில் நடைபெற்ற வங்கதேச அணிக்கு எதிரான லீக் போட்டியில், பந்துவீசியபோது ஹார்திக் பாண்டியாவின் கணுக்காலில் காயம் ஏற்பட்டது.

அதன் பிறகு இந்திய அணி விளையாடிய 4 போட்டியிலும் விளையாடாமல் ஓய்வில் இருந்தார் ஹார்திக் பாண்டியா.

தற்போது மருத்துவ கண்காணிப்பில் இருந்து வரும் ஹார்திக் பாண்டியா காயம் காரணமாக இந்திய அணியில் இருந்து நீக்கப்பட்டுள்ளார்.

இந்த அதிகாரப்பூர்வ தகவலை ஐ.சி.சி வெளியிட்டுள்ளது. மேலும் ஹார்திக்கிற்கு பதிலாக வேகப் பந்து வீச்சாளர் பிரஷித் கிருஷ்ணா அணியில் சேர்க்கப்பட்டுள்ளார் என்று அறிவிக்கப்பட்டுள்ளது.

இந்த திடீர் தகவலால் இந்திய கிரிக்கெட் ரசிகர்கள் அதிர்ச்சி அடைந்துள்ளனர்.