Vishnu Vishal : தம்பி ருத்ராவை ஹீரோவாக களமிறக்கும் விஷ்ணு விஷால்!

Vishnu Vishal : நடிகர் விஷ்ணு விஷால் தம்பி ருத்ரா ஹீரோவாக அறிமுகமாகும் 'ஓஹோ எந்தன் பேபி' படத்தை ரோமியோ பிக்சர்ஸ் நிறுவனத்துடன் இணைந்து தயாரிக்கிறார். பூஜையுடன் இன்று படப்பிடிப்பு துவங்கியது.

ஓஹோ எந்தன் பேபி

தமிழ் சினிமாவின் பிரபலமான ஹீரோக்களில் ஒருவரான விஷ்ணு விஷால் நடிப்பில் சமீபத்தில் வெளியான 'லால் சலாம்' திரைப்படம் நல்ல வரவேற்பை பெற்றுள்ளது.

நடிகர் விஷ்ணு விஷால் தனது தம்பி ருத்ராவை ஹீரோவாக வைத்து படம் ஒன்றை தன்னுடைய விஷ்ணு விஷால் ஸ்டுடியோஸ் நிறுவனம் மற்றும் ரோமியோ பிக்சர்ஸ் நிறுவனத்துடன் இணைந்து தயாரிக்க உள்ளார்.

அப்படத்திற்கு 'ஓஹோ எந்தன் பேபி' என தலைப்பிடப்பட்டுள்ளது.

முன்னணி விளம்பர பட இயக்குநரும், குணச்சித்திர கலைஞருமான கிருஷ்ணகுமார் ராம்குமார் இப்படத்தை இயக்குகிறார்.

ருத்ரா ஜோடியாக பாலிவுட் நடிகை மிதிலா பால்கர் தமிழ் சினிமாவில் அறிமுகமாக உள்ளார்.

பூஜையுடன் இப்படத்தின் படப்பிடிப்பு இன்று துவங்கியது. அதன் புகைப்படங்கள் சோசியல் மீடியாவில் வெளியாகி வைரலாகி வருகின்றன.