MBBS Fees: ஏழைகளுக்கு எட்டாக்கனி ஆகும் எம்பிபிஎஸ்; 10 ஆண்டுகளில் 200% அதிகரித்த மருத்துவப் படிப்பு கட்டணம்

MBBS Fees Hike: 2015ஆம் ஆண்டு 10 லட்சம் ரூபாயாக இருந்த ஆண்டு கல்விக் கட்டணம், 10 ஆண்டுகளில், 3 மடங்கு அதிகரித்து 30 லட்சம் ரூபாயாக உயர்ந்துள்ளது.

மருத்துவ மாணவர்கள் | கோப்புப்படம்

Source : சிறப்பு ஏற்பாடு

கடந்த 10 ஆண்டுகளில், எம்பிபிஎஸ் உள்ளிட்ட இளநிலை மருத்துவப் படிப்புகளில், தனியார் பல்கலைக்கழகங்களில் சேர்ந்து படிப்பதற்கான கட்டணம் 200 சதவீதம் அதிகரித்துள்ளது.

நீட் நுழைவுத் தேர்வு கட்டாயம்

நாடு முழுவதும் மருத்துவப் படிப்புகளில் சேர நீட் நுழைவுத் தேர்வு கட்டாயம் ஆக்கப்பட்டுள்ளது. இதில் தேர்ச்சி பெற்று, பெறும் மதிப்பெண்களின் அடிப்படையில் மாணவர்களுக்கு கல்லூரிகளில் இடம் ஒதுக்கப்படுகின்றன.  

அரசு மருத்துவக் கல்லூரிகளில் அரசு ஒதுக்கீட்டு இடங்கள், மேலாண்மை ஒதுக்கீட்டு இடங்கள், தனியார் மருத்துவக் கல்லூரிகளில் அரசு ஒதுக்கீட்டு இடங்கள், மேலாண்மை ஒதுக்கீட்டு இடங்கள், நிகர்நிலைப் பல்கலைக்கழகங்களில் மேலாண்மை ஒதுக்கீட்டு இடங்கள் என மருத்துவ இடங்கள் பிரிக்கப்பட்டுள்ளன.

அந்த வகையில், கலந்தாய்வின்கீழ் அரசு மருத்​துவக் கல்​லூரி​களில் இருக்​கும் எம்​பிபிஎஸ், பிடிஎஸ் இடங்​களில் 15 சதவீதம் அகில இந்​திய ஒதுக்​கீட்​டுக்கு ஒதுக்​கப்​படு​கிறது. மீத​முள்ள 85 சதவீத இடங்​கள், தனி​யார் மருத்​துவக் கல்லூரி​களில் உள்ள அரசு மற்றும் நிர்​வாக ஒதுக்​கீட்டு இடங்​களுக்​கு ஒதுக்கப்படுகின்றன. இந்த நிலையில் ஜூலை 21ஆம் தேதி மத்திய இடங்களுக்கான கலந்தாய்வு தொடங்குகிறது. மாநில இடங்களுக்கான கலந்தாய்வு ஜூலை 30ஆம் தேதி தொடங்கும் என்று எதிர்பார்க்கப்படுகிறது. 

கட்டணம் 200 சதவீதம் அதிகரிப்பு

இந்த நிலையில் கடந்த 10 ஆண்டுகளில், எம்பிபிஎஸ் உள்ளிட்ட இளநிலை மருத்துவப் படிப்புகளில், தனியார் பல்கலைக்கழகங்களில் சேர்ந்து படிப்பதற்கான கட்டணம் 200 சதவீதம் அதிகரித்துள்ளது தெரிய வந்துள்ளது. 

அதாவது 2015ஆம் ஆண்டு 10 லட்சம் ரூபாயாக இருந்த ஆண்டு கல்விக் கட்டணம், 10 ஆண்டுகளில், 3 மடங்கு அதிகரித்து 30 லட்சம் ரூபாயாக உயர்ந்துள்ளது. இது கல்விக் கட்டணம் மட்டுமே. இதுபோக, விடுதிக் கட்டணம், பிற கட்டணங்களுடன் சேர்ந்து 33 முதல் 34 லட்சம் ரூபாய் ஆண்டுக்கு செலவாகிறது.

குறைந்தபட்சம் 1.5 கோடி ரூபாய் தேவை

தனியார் நிகர்நிலைப் பல்கலைக்கழகங்களில், ஒரு மாணவர் சேர்ந்து எம்பிபிஎஸ் படிப்பை படித்து முடிக்க குறைந்தபட்சம் 1.5 கோடி முதல் 1.9 கோடி ரூபாய் தேவைப்படுகிறது. இதனால் அரசுக் கல்லூரிகளில் இடம் கிடைக்காத ஏழை மாணவர்களுக்கு எம்பிபிஎஸ் படிப்பு என்பது எட்டாக் கனியாகி வருவதாக கல்வியாளர்களும் பெற்றோர்களும் வேதனை தெரிவித்து வருகின்றனர். 

இதையும் படிக்க

MBBS Counselling 2025: இன்னும் 2 நாளில் தொடங்கும் மருத்துவக் கலந்தாய்வு; தரவரிசைப் பட்டியல், மாநில கலந்தாய்வு, வகுப்புகள் எப்போது?