திரும்ப வருவாரா கோலி? ஓய்வை திரும்பபெற்று களமிறங்கிய கிரிக்கெட் வீரர்கள்.. ஒரு சுவாரஸ்ய பார்வை!
விராட் தனது ஓய்வை திரும்பப் பெற்று விளையாட வேண்டும் என்பது கிரிக்கெட் ரசிகர்களின் ஆசையாக உள்ளது. அப்படி ஓய்வை திறம்ப பெற்ற வீரர்கள் பட்டியலை கீழே காண்போம்
இந்தியாவிற்கும் இங்கிலாந்து அணிகளுக்கு இடையில் ஐந்து போட்டிகள் கொண்ட டெஸ்ட் தொடர் நடந்து வருகிறது. தொடர் தொடங்குவதற்கு சுமார் ஒரு மாதத்திற்கு முன்பு, இந்தியாவின் நட்சத்திர வீரரான விராட் கோலி டெஸ்ட் கிரிக்கெட்டிலிருந்து ஓய்வு பெற்றார். விராட் மே 12 அன்று டெஸ்ட் போட்டிகளில் இருந்து ஓய்வு பெறுவதாக அறிவித்தார். ஆனால் விராட் தனது ஓய்வை திரும்பப் பெற்று விளையாட வேண்டும் என்பது கிரிக்கெட் ரசிகர்களின் ஆசையாக உள்ளது. அப்படி ஓய்வை திறம்ப பெற்ற வீரர்கள் பட்டியலை கீழே காண்போம்
ஜவகல் ஸ்ரீநாத்
இந்திய கிரிக்கெட்டின் பெருமையான ஜவகல் ஸ்ரீநாத்தின் பெயர், ஓய்வுக்குப் பிறகு அணியில் மீண்டும் இடம்பிடித்த இந்த வீரர்களின் பட்டியலில் சேர்க்கப்பட்டுள்ளது. ஜவகல் ஸ்ரீநாத் இன்னும் இந்தியாவுக்காக ஒருநாள் போட்டிகளில் அதிக விக்கெட்டுகளை வீழ்த்தியவர். இதுவரை இந்தியாவுக்காக 315 விக்கெட்டுகளை வீழ்த்தியுள்ளார். அவர் தனது டெஸ்ட் வாழ்க்கையில் 236 விக்கெட்டுகளையும் வீழ்த்தியுள்ளார்.
வெஸ்ட் இண்டீஸ் அணிக்கு எதிரான சுற்றுப்பயணத்திலிருந்து திரும்பிய பிறகு, ஸ்ரீநாத் திடீரென தனது ஓய்வை அறிவித்தார். அந்த நேரத்தில், இந்திய அணியின் கேப்டன் சவுரவ் கங்குலி அவரை ஓய்வை திரும்பப் பெறுமாறு வற்புறுத்தினார், அதனால் ஜவகல் ஸ்ரீநாத் தனது கேப்டனை மறுக்க முடியாமல் டெஸ்ட் கிரிக்கெட்டுக்குத் திரும்பினார்.
கெவின் பீட்டர்சன்
இங்கிலாந்தின் புகழ்பெற்ற வீரர் கெவின் பீட்டர்சன் டெஸ்ட் கிரிக்கெட்டில் 8000 ரன்களுக்கு மேல் எடுத்துள்ளார்.இவர் 2011 ஆம் ஆண்டு ஒருநாள் கிரிக்கெட்டில் இருந்து ஓய்வு பெறுவதாக அறிவித்தார், டெஸ்ட் கிரிக்கெட்டில் கவனம் செலுத்த இந்த ஓய்வை அறிவித்தார். ஆனால் 60 நாட்களுக்குள், கெவின் பீட்டர்சன் தனது ஓய்வு முடிவை வாபஸ் பெற்று உடனடியாக இங்கிலாந்தின் டி20 மற்றும் ஒருநாள் அணியில் இணைந்தார்.
ஷாஹித் அஃப்ரிடி
பாகிஸ்தான் வீரர் ஷாஹித் அப்ரிடி ஒரு முறை அல்ல, பல முறை தனது ஓய்வை திரும்பப் பெற்றார். 2006 ஆம் ஆண்டு டெஸ்ட் கிரிக்கெட்டிலிருந்து அஃப்ரிடி முதன்முதலில் ஓய்வு பெறுவதாக அறிவித்தார், ஆனால் இரண்டு வாரங்களுக்குப் பிறகு தனது ஓய்வை திரும்பப் பெற்றார். 2010 ஆம் ஆண்டு, லார்ட்ஸில் ஆஸ்திரேலியாவுக்கு எதிராக ஒரே ஒரு போட்டியில் விளையாடிய பிறகு மீண்டும் ஓய்வு பெறுவதாக அறிவித்தார். ஷாஹித் அப்ரிடியின் தலைமையில் பாகிஸ்தான் அந்தப் போட்டியில் தோல்வியடைந்தது.
ஒருநாள் கிரிக்கெட் அணியின் கேப்டன் பதவியில் இருந்து நீக்கப்பட்ட பிறகு 2011 ஆம் ஆண்டு அஃப்ரிடி ஓய்வு பெற்றார், ஆனால் ஐந்து மாதங்களுக்குப் பிறகு மீண்டும் அணிக்குத் திரும்பினார். இந்த வீரர் 2017 ஆம் ஆண்டு அனைத்து வடிவங்களிலிருந்தும் ஓய்வு பெறுவதாக அறிவித்தார், ஆனால் மீண்டும் 2018 ஆம் ஆண்டு ஷாஹித் அஃப்ரிடி லார்ட்ஸில் தனது கடைசி போட்டியை விளையாடச் சென்றார்.
பென் ஸ்டோக்ஸ்
இங்கிலாந்து ஆல்ரவுண்டரும் தற்போதைய டெஸ்ட் அணியின் கேப்டனுமான பென் ஸ்டோக்ஸ் ஜூலை 2022 இல் ஒருநாள் போட்டிகளில் இருந்து ஓய்வு பெறுவதாக அறிவித்தார், ஆனால் 2023 உலகக் கோப்பைக்கு முன்பு, ஸ்டோக்ஸ் தனது ஓய்வை வாபஸ் பெற்றார், மேலும் இந்த வீரர் உலகக் கோப்பை அணியில் சேர்க்கப்பட்டார்.
தலைப்பு செய்திகள்
ட்ரெண்டிங் செய்திகள்
