Yennai Arindhaal Remake : சத்ய தேவாக சல்மான் கான்..ஹிந்தியில் ரீமேக் ஆகும் என்னை அறிந்தால்!

Yennai Arindhaal Remake : ஸ்டைலிஷ் இயக்குநர் கெளதம் வாசுதேவ் மேனன் என்னை அறிந்தால் படத்தை ஹிந்தியில் ரீமேக் செய்யவுள்ளார் என கூறப்படுகிறது.

என்னை அறிந்தால் ஹிந்தி ரீமேக்

தமிழ் சினிமாவின் முன்னணி நடிகர் அஜித் குமார் நடிப்பில் கடந்த 2015ஆம் ஆண்டு பிப்ரவரி 5ஆம் தேதி வெளியான 'என்னை அறிந்தால்' திரைப்படம் கலவையான விமர்சனங்களை பெற்றது.

கௌதம் வாசுதேவ் மேனன் இயக்கத்தில் அஜித் குமார், அருண் விஜய், திரிஷா, அனுஷ்கா உள்ளிட்டோர் இதில் நடித்திருந்தனர்.

க்ரைம் திரில்லர் ஜானரில் உருவாக்கப்பட்ட என்னை அறிந்தால் திரைப்படத்தில் முதல் முறையாக அருண் விஜய் வில்லன் கதாபாத்திரத்தில் நடித்திருந்தார்.அருண் விஜய் நடித்திருந்த விக்டர் கதாபாத்திரம் பெரிதும் பேசப்பட்டது.

தற்போது வெளியாகியுள்ள தகவலின் படி என்னை அறிந்தால் திரைப்படம் ஹிந்தியில் ரீமேக் செய்யப்படவுள்ளதாம்.

ஹிந்தியில் ரீமேக் செய்யப்படும் என்னை அறிந்தால் திரைப்படத்தில் பாலிவுட் நட்சத்திரம் சல்மான் கான் நடிக்கவுள்ளார்

முன்னதாக விண்ணை தாண்டி வருவாயா படத்தை கெளதம் மேனன் ஹிந்தியில் ரீமேக் செய்தார். இந்த படம் மோசமான விமர்சனங்களை பெற்றது என்பது குறிப்பிடத்தக்கது.