The Goat : தி கோட் படத்தின் அடுத்த பாடல் இன்னும் இரண்டு நாட்களில்...ரசிகர்களுக்கு காத்திருக்கும் சர்ப்ரைஸ்

தி கோட் படத்தின் அடுத்த பாடல் இன்னும் சில நாட்களில் வெளியாகும் என படத்தின் இயக்குநர் வெங்கட் பிரபு நிகழ்ச்சி ஒன்றில் தெரிவித்துள்ளார்

தி கோட் ,, விஜய் , த்ரிஷா

Source : Twitter

தி கோட்

வெங்கட் பிரபு இயக்கத்தில் விஜய் நடித்துள்ள தி கோட் படம் வரும் செப்டம்பர் 5-ஆம் தேதி ரிலீஸூக்கு தயாராகி வருகிறது. ஏ.ஜி.எஸ் என்டர்டெயின்மெண்ட் தயாரித்துள்ள இப்படத்திற்கு யுவன் ஷங்கர் ராஜா இசையமைத்துள்ளார். பிரசாந்த், பிரபு தேவா , சினேகா , லைலா ,மோகன் , மீனாக்‌ஷி செளதரி , வைபவ் , பிரேம்ஜி , ஜெயராம் உள்ளிட்ட பல்வேறு நட்சத்திரங்கள் இப்படத்தில் நடித்துள்ளார்கள். படம் வெளியாக இன்னும் பத்து நாட்களே இருக்கும் நிலையில் ப்ரோமோஷன் வேலைகளை ஒருபக்கம் தொடங்கியுள்ளார் இயக்குநர் வெங்கட் பிரபு.

முதற்கட்டமாக மலேசியா சென்றுள்ள வெங்கட் பிரபு அங்கு நேர்காணல்கள் மற்றும் தனியார் நிகழ்ச்சிகளில் கலந்துகொண்டுள்ளார்.  இந்த நிகழ்ச்சியில் தி கோட் படத்தின் அடுத்த பாடல் குறித்த அப்டேட் கொடுத்துள்ளார் அவர்

தி கோட் படத்தின் அடுத்த பாடல் 

தி கோட் படத்தின் அடுத்த பாடல் இன்னும் சில நாட்களில் வெளியாக இருப்பதாகவும் இந்த பாடல் ரசிகர்களுக்கு ஒரு ஸ்பெஷலான பாடலாக இருக்கும் என்றும் அவர் தெரிவித்துள்ளார்.

தி கோட் படத்தில் த்ரிஷா ஒரு பாடலில் நடித்துள்ளதாக முன்பே பல்வேறு தகவல்கள் வெளியாகியிருந்தன. தற்போது வெளியாகும் இப்பாடலில் த்ரிஷா நடித்திருப்பார் என்று நிச்சயம் எதிர்பார்க்கலாம் என சினிமா வட்டாரங்களில் பேசப்படுகிறது. 

🔥 Venkat Prabhu drops a BOMB! A special song from #TheGreatestOfAllTime is coming soon! 🤩 Expect a killer dance track featuring #Trisha and #ThalapathyVijay that'll set the hype LEVELS to MAX! Get ready for the ultimate party anthem! 🕺💥 #TamilCinema pic.twitter.com/IW63DPKKs5

— The Cine Scout (@TheCineScout) August 25, 2024

இதுவரை தி கோட் படத்தின் மூன்று பாடல்கள் யுவன் ஷங்கர் ராஜா இசையில் வெளியாகியுள்ளன. இப்பாடல்கள் கலவையான விமர்சனங்களை முதலில் பெற்றாலும் போகப்போக ரசிகர்களை கவர்ந்துள்ளது.

இந்த விமர்சனங்கள் குறித்து இயக்குநர் வெங்கட் பிரபு கூறுகையில் ” தி கோட் படத்தின் பாடல்கள் குறித்து கலவையான விமர்சனங்கள் வருவதை நான் கவனித்து வருகிறேன். ஆனால் படத்தோடு சேர்ந்து பார்க்கும்போது இந்தப் பாடல்கள் நிச்சயம் அனைத்து தரப்பினருக்கும் பிடிக்கும் “ என்று அவர் தெரிவித்தார்.