Watch Video: ஃபினிஷிங்.. ஃபினிஷிங்.. ஃபினிஷிங்.. இது ‘தல’ தோனியின் பீஸ்ட், கேஜிஎஃப் வெர்ஷன்!
ரசிகர்கள் மட்டுமின்றி, கிரிக்கெட் வீரர்கள், பிரபலங்கள் என அனைவரும் தோனியின் வெற்றியை கொண்டாடி தீர்த்தனர்.
2022 ஐ.பி.எல். தொடர் விறுவிறுப்பாக நடைபெற்று வருகிறது. மும்பையில் உள்ள டி.ஒய். பாட்டீல் மைதானத்தில் நேற்று மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் மோதின. ஐ.பி.எல். தொடரில் சென்னை-மும்பை அணிகள் மோதும் ஆட்டம் என்றால் எப்போதும் விறுவிறுப்புக்கு பஞ்சம் இருக்காது.
இந்நிலையில், இந்த போட்டியில் டாஸ் வென்ற சென்னை சூப்பர் கிங்ஸ் அணி, ஃபீல்டிங் தேர்வு செய்தது. பேட்டிங் களமிறங்கிய மும்பை அணி 20 ஓவர்கள் முடிவில் 7 விக்கெட்டுகள் இழப்பிற்கு 155 ரன்கள் எடுத்தது. இலக்கை சேஸ் செய்த சென்னை அணிக்கு ஆரம்பத்திலேயே விக்கெட் சரிந்தது. பவர்ப்ளே முடிவதற்குள் 2 விக்கெட்டுகளை இழந்திருந்த சென்னை அணிக்கு, உத்தப்பா, ராயுடு ஆகியோர் ரன் சேர்த்தனர். மற்ற வீரர்கள் சொற்ப ரன்களுக்கு ஆட்டமிழக்க, கடைசி வரை களத்தில் நின்றார் தோனி. கடைசி நான்கு பந்துகளில் 17 ரன்கள் தேவை என்றபோது நிதானமாக ஆடிய தோனி, ஒரு சிக்சர், பவுண்டரி, 2 ரன்கள் மற்றும் மீண்டும் கடைசி பந்தில் பவுண்டரி அடித்து அணியின் வெற்றியை உறுதி செய்தார்.
இதனால், “Dhoni Finishes off in style" என ரசிகர்கள் கொண்டாடினர். போட்டி முடிந்து வெற்றியுடன் பெவிலியன் திரும்பும்போது தோனியைப் பார்த்து ஜடேஜா ’Take a Bow' முறையில் உடலை வளைத்து மரியாதை செலுத்தினார். ரசிகர்கள் மட்டுமின்றி, கிரிக்கெட் வீரர்கள், பிரபலங்கள் என அனைவரும் தோனியின் வெற்றியை கொண்டாடி தீர்த்தனர்.
வீடியோவைக் காண:
View this post on Instagram
அதனை அடுத்து, கேஜிஎஃப், பீஸ்ட் மோட் பாடல்களுக்கு தோனியின் ஃபினிஷிங் ஆட்டத்தை மேட்ச் செய்து வீடியோக்கள் வெளியாகி வந்தன. அந்த வரிசையில், சென்னை சூப்பர் கிங்ஸ் அணி ஒரு சிறப்பு வீடியோவை பகிர்ந்திருக்கிறது. அதில், பீஸ்ட் மோட் வெர்ஷனை மேட்ச் செய்து வீடியோ வெளியிடப்பட்டுள்ளது.
அதே போல, யஷ்ஷின் கேஜிஎஃப்-2 ‘டூஃப்பான்’ பாடலுக்கு எடிட் செய்யப்பட்ட தோனியின் வெர்ஷனும் சமூக வலைதளத்தில் வைரலாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
