KKR vs RR: கொல்கத்தாவுக்கு தேவை கட்டாய வெற்றி ; ராஜஸ்தானுக்கு தேவை ஆறுதல் வெற்றி ; வெல்லப்போவது யார்?

ராஜஸ்தான் ராயல்ஸ் vs கொல்கத்தா நைட் ரைடர்ஸ்

2021 ஐபிஎல் சீசனின் லீக் போட்டிகள் இறுதிக்கட்டத்தை எட்டியுள்ளது. நாளையோடு லீக் போட்டிகள் முடிவடைய இருக்கும் நிலையில், ஷார்ஜா கிரிக்கெட் மைதானத்தில் இன்று ராஜஸ்தான் ராயல்ஸ் - கொல்கத்தா நைட் ரைடர்ஸ் அணிகள் மோதுகின்றன.

இன்று இரண்டு போட்டிகள் நடைபெற உள்ள நிலையில், மதியம் 3.30 மணிக்கு தொடங்கும் போட்டியில் சென்னை - பஞ்சாப் அணிகளும், இரவு 7.30 தொடங்கும் போட்டியில் ராஜஸ்தான் - கொல்கத்தா அணிகளும் போட்டியிடுகின்றன.

டெல்லி, சென்னை, பெங்களூரு அணிகள் ப்ளே ஆஃப் சுற்றுக்கு தகுதி பெற்றுவிட்டன. ஹைதராபாத்தை அடுத்து ராஜஸ்தானும் ப்ளே ஆஃப் சுற்றுக்கு தகுதி பெறாமல் வெளியேறிவிட்டது.

இந்நிலையில், நான்காவது இடத்திற்காக கொல்கத்தா, மும்பை, பஞ்சாப் அணிகளுக்கு இடையே போட்டி நிலவுகிறது.

இதுவரை ஐபிஎல் வரலாற்றில், 23 போட்டிகளில் இரு அணிகளும் நேருக்கு நேர் மோதியுள்ளன. இதில், கொல்கத்தா 12 முறையும், ராஜஸ்தான் 11 முறையும் வெற்றி பெற்றுள்ளது.

இன்று போட்டி நடைபெறும் ஷார்ஜா மைதானத்தில் இருக் அணிகளும் மோதியதில்லை. முதலில் பேட்டிங் செய்து ராஜஸ்தான் 8 முறையும், கொல்கத்தா 3 முறையும் வெற்றி பெற்றுள்ளது. சேஸிங் செய்து ராஜஸ்தான் 3 முறையும், கொல்கத்தா 9 முறையும் வெற்றி பெற்றுள்ளது.