Stephen Fleming: ”எங்களுக்கே புரியல.. இது பழைய சேப்பாக்கம் இல்லை!” கடுப்பில் கோச் ஃபிளேமிங்
IPL 2025: "கடந்த இரண்டு வருடங்களாக இங்குள்ள விக்கெட்டுகளை எங்களால் புரிந்து கொள்ள முடியவில்லை என பிந்தைய செய்தியாளர் சந்திப்பின் போது ஃப்ளெமிங் கூறினார்.
ராயல் சேலஞ்சர்ஸ் பெங்களூரு அணியிடம் சென்னை சூப்பர் கிங்ஸ் (CSK ) தோல்வியடைந்ததைத் தொடர்ந்து, அந்த அணியின் பயிற்சியாளர் ஸ்டீபன் பிளெமிங் ஒரு பத்திரிகையாளரிடம் பொறுமை இழந்து கோபமாக பேசினார். சேப்பாக்கத்தில் RCB-யிடம் 50 ரன்கள் வித்தியாசத்தில் தோல்வியடைந்ததன் மூலம், CSK இந்த சீசனில் முதல் தோல்வியைச் சந்தித்தது.
செய்தியாளர் சந்திப்பு
போட்டிக்குப் பிந்தைய பத்திரிகையாளர் சந்திப்பின் போது, சிஎஸ்கேவின் கிரிக்கெட் பிராண்டை விமர்சித்த பத்திரிகையாளரிடம் ஃப்ளெமிங் தனது விரக்தியைக் காட்டினார்.
நிருபர்: "முதல் ஆட்டத்தில், நீங்கள் கிட்டத்தட்ட 20 ஓவர்களில் 156 ரன்களைத் துரத்தினீர்கள். இன்று, நீங்கள் 146 ரன்கள் எடுத்தீர்கள். இதுதான் உங்கள் கிரிக்கெட் விளையாடும் முறை என்று எனக்குத் தெரியும், ஆனால் இது ஒருவிதத்தில் காலாவதியாகிவிட்டதாக நினைக்கிறீர்களா?"
ஃப்ளெமிங்: "நான் விளையாடும் விதம் என்று நீங்கள் என்ன சொல்கிறீர்கள்? நீங்கள் ஃபயர்பவரைப் பற்றிப் பேசுகிறீர்கள். எங்களிடம் ஃபயர்பவர் எல்லா வழிகளிலும் உள்ளது. இந்தக் கேள்வி எனக்குப் புரியவில்லை. முதல் பந்திலிருந்து நாம் ஸ்விங் செய்யாமல், அதிர்ஷ்டம் நம் வழியில் செல்லாமல் இருப்பதால், இறுதியில் யார் வெற்றி பெறுகிறார்கள் என்று பாருங்கள். இது கிரிக்கெட்டின் ஒரு நேர்மறையான பிராண்ட். எங்களை குறைத்து மதிப்பிடாதீர்கள்."
நிருபர்: "நான் உங்களை குறைத்து மதிப்பிடவில்லை."
ஃப்ளெமிங்: "இது கொஞ்சம் முட்டாள்தனமான கேள்விதான்."
ஹோம் அட்வாண்ட்டேஜ் இல்லை:
"ஹோம்அட்வாண்ட்டேஜ்" பற்றிப் பேசுகையில், ஃப்ளெமிங் எந்த எங்களுக்கு நன்மையும் இல்லை என்று கூறினார், ஏனெனில் அவரது அணி அடிக்கடி ஆடுகளத்தை நன்கு புரிந்துகொள்ளத் தவறிவிட்டது என்று தெரிவித்தார்.
மேலும் பேசிய ஃபிளேமிங் "சரி, நாங்கள் பல வருடங்களாக உங்களுக்குச் சொல்லி வருவது போல, சேப்பாக்கத்தில் உள்ளூர் மைதானமாக இருந்தாலும் எந்த ஹோம்அட்வாண்ட்டேஜூம் எங்களுக்கு இல்லை. நாங்கள் இரண்டு முறை வெளியூரில் வென்றுள்ளோம். எங்களால் அதைப் புரிந்துகொள்ள முடியவில்லை... இதை உண்மையிலேயே நேர்மையாக ஒத்துக்கொள்கிறோம் என்று போட்டிக்குப் பிந்தைய செய்தியாளர் சந்திப்பின் போது ஃப்ளெமிங் கூறினார்.
CSK COACH ABOUT CHEPAUK PITCH:
— Johns. (@CricCrazyJohns) March 29, 2025
"We have been telling you for a number of years, there was no home advantage at Chepauk - We haven't been able to read the wickets here in the last couple of years. So, it's not new. We are trying to come to grips each day with what we get, and we… pic.twitter.com/kaeACHVkLa
"கடந்த இரண்டு வருடங்களாக இங்குள்ள விக்கெட்டுகளை எங்களால் புரிந்து கொள்ள முடியவில்லை. எனவே, இது புதியதல்ல. ஒவ்வொரு நாளும் நமக்குக் கிடைப்பதைக் கொண்டு நாம் வெற்றி பெற முயற்சிக்கிறோம், இது பழைய சேப்பாக்கம் அல்ல, அங்கு நீங்கள் உள்ளே சென்று நான்கு சுழற்பந்து வீச்சாளர்களை விளையாட வைக்கலாம். ஒவ்வொரு ஆடுகளத்தின் தன்மை என்ன என்பதைப் புரிந்துகொள்ள நாங்கள் மிகவும் கடினமாக உழைக்க வேண்டியிருக்கிறது, அது மிகவும் வித்தியாசமானது," என்று அவர் கூறினார்.
தலைப்பு செய்திகள்
ட்ரெண்டிங் செய்திகள்
