Watch Video | ”கத்ரீனா கன்னம் மாதிரி ரோடு வழுவழுன்னு இருக்கணும்” : அமைச்சரின் அநாகரீக பேச்சு

அமைச்சர் ஒருவர் சாலையின் வழுவழுப்பை நடிகையின் கன்னத்துடன் ஒப்பிட்டு பேசிய வீடியோ சோஷியல் மீடியாவில் வைரலாகி வருகிறது.

காத்ரீனா கைஃப் - ராஜஸ்தான் அமைச்சர்

பொதுவாக சாலைகளை வழுவழுவென்று இருக்க வேண்டுமென சொல்வார்கள். கரடுமுரடாக இருக்கக் கூடாது என்பதையே அப்படி சொல்வார்கள். ஆனால் அமைச்சர் ஒருவர் சாலையின் வழுவழுப்பை நடிகையின் கன்னத்துடன் ஒப்பிட்டு பேசிய வீடியோ சோஷியல் மீடியாவில் வைரலாகி வருகிறது. அந்த அமைச்சருக்கு பலர் கண்டனங்களையும் தெரிவித்து வருகின்றனர்.  ராஜஸ்தானில் காங்கிரஸ் ஆட்சி நடக்கிறது.  அங்குள்ள காங்கிரஸ் எம். எல்.ஏ. ராஜேந்திர சிங் என்பவர் உதய்புர்வாட்டியில் மக்கள் முன்பு அனல் பறக்க பேசினார். அப்போது அங்கு கூடியிருந்த மக்கள் இங்கு சாலைகள் கொடூரமாக இருக்கின்றன. 

வெறும் பள்ளம் மேடு என புகார் தெரிவித்துள்ளனர். உடனடியாக மேடையிலேயே பேசிய அமைச்சர், அங்கு இருந்த அரசு பொறியாளர்களை குறிப்பிட்டு, இது என்னுடைய தொகுதி. இங்குள்ள சாலைகள் நடிகை காத்ரீனா கைஃப் கன்னம் போக வழுவழுப்பாக இருக்க வேண்டுமென தெரிவித்தார். உடனே அங்கு கூடியிருந்த தொண்டர்கள் சிரிப்பலையில் மூழ்கினர். ஆனால் இந்த வீடியோ இணையத்தில் கண்டனங்களையே பதிவு செய்துள்ளது. 

இது குறித்து பதிவிட்டுள்ள பலரும், சாலையின் தரத்தை ஒப்பிட ஒரு பெண்ணின் கன்னம்தான் அமைச்சருக்கு கிடைத்ததா? என கேள்வி எழுப்பியுள்ளனர். சாலையின் வழுவழுப்பை நடிகையின் கன்னத்தோடு ஒப்பிடுவது இது முதல்முறை அல்ல.   2005ம் ஆண்டு கூட்டத்தில் பேசிய லல்லு பிரசாத் யாதவ் நான் உபியில் ஹேம மாலியின் கன்னத்தை போல வழுவழுப்பான சாலையை போடுவேன் என தெரிவித்து சர்ச்சையில் சிக்கினார்.

#WATCH | "Roads should be made like Katrina Kaif's cheeks", said Rajasthan Minister Rajendra Singh Gudha while addressing a public gathering in Jhunjhunu district (23.11) pic.twitter.com/87JfD5cJxV

— ANI (@ANI) November 24, 2021

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண