Fact Check: விரைவில் சானியா மிர்சா - முகமது ஷமி திருமணமா..? சமூக வலைதளங்களில் வைரலாகும் புகைப்படம்..!

Mohammed Shami and Sania Mirza: சானியா மிர்சாவும், முகமது ஷமியும் விரைவில் நிச்சயதார்த்தம் செய்ய போவதாகவும், இந்த ஆண்டு ஆகஸ்ட் 20ம் தேதி இவர்களுக்கு திருமணம் நடைபெற இருப்பதாகவும் செய்திகள் வெளியாகின. 

சானியா மிர்சா - முகமது ஷமி

Mohammed Shami and Sania Mirza: டென்னிஸ் வீராங்கனை சானியா மிர்சா விவாகரத்து பெற்ற நாள் முதலே, மிர்சா இரண்டாவது திருமணத்திற்கு தயாராகி வருவதாக தொடர்ந்து பேசப்பட்டு வருகிறது. சில நாட்களுக்கு முன்பு சானியா மிர்சாவின் இரண்டாவது திருமணம் பற்றிய செய்தி ஒன்று பரவ ஆரம்பதித்தது. 

இந்திய அணியின் நட்சத்திர வீரர் முகமது ஷமியும், இந்திய டென்னிஸ் வீராங்கனை சானியா மிர்சாவை திருமணம் செய்யவுள்ளதாக கூறப்படுகிறது. முகமது ஷமியும் சானியா மிர்சாவும் திருமண ஆடையில் ஒன்றாக இருப்பது போன்ற புகைப்படம் ஒன்று வெளியாகியுள்ளது. இருவரும் ஏற்கனவே திருமணம் ஆகி விவாகரத்து பெற்றவர்கள் என்பது குறிப்பிடத்தக்கது. 

சானியா மிர்சாவும், முகமது ஷமியும் விரைவில் நிச்சயதார்த்தம் செய்ய போவதாகவும், இந்த ஆண்டு ஆகஸ்ட் 20ம் தேதி இவர்களுக்கு திருமணம் நடைபெற இருப்பதாகவும் செய்திகள் வெளியாகின. 

Sania Mirza Married Mohammed Shami? Pictures Went Viral, Know Truth

Read article: https://t.co/jPVV5eJZfg pic.twitter.com/JsPeCiO3Zr

— Kheltalk (@Kheltalk_) January 22, 2024

திருமணம் உண்மையா..? 

இந்திய கிரிக்கெட் வீரர் முகமது ஷமி மற்றும் சானியா மிர்சாவின் நிச்சயத்தார்த்த வைரல் புகைப்படங்கள் போலியானது மட்டுமல்ல, அவர்களது திருமணம் பற்றிய வதந்திகளும் பொய்யானவை. மிர்சா மற்றும் முகமது ஷமி ஆகிய இருவரின் தரப்பிலிருந்தும் இதுபோன்ற செய்திகள் எதுவும் அதிகாரப்பூர்வமாக அறிவிக்கப்படவில்லை. தற்போது சமூக வலைதளங்களில் வைரலாகி வரும் புகைப்படம் கடந்த 2010ம் ஆண்டு நடந்த சானியா மிர்சா - பாகிஸ்தான் வீரர் ஷோயப் மாலிக் திருமண புகைப்படமாகும். அதில், யாரோ சோயப் மாலிக்கின் தலை பகுதியை மார்பிங் செய்து, அவருக்கு பதிலாக முகமது ஷமியின் புகைப்படத்தை இணைத்துள்ளது. சமூக வலைதளங்களில் இந்த புகைப்படம் கடந்த ஜூன் 12ம் தேதி அதிகளவில் பரப்பப்பட்டு வருகிறது.

Rumors of former Indian tennis star Sania Mirza tying the knot with cricketer Mohammad Shami circulated in Indian media on Thursday.#merry #india #saniamirza #reveal #international #newsfeed pic.twitter.com/dtuheQCxmu

— Mian Maan (@MianMaan10) June 20, 2024

தனித்தனியே வாழும் ஷமி - மிர்சா:

முகமது ஷமி மற்றும் சானியா மிர்சாவின் திருமண வாழ்க்கை ஏறக்குறைய ஒத்ததாக இருக்கிறது. இருவரும் அவர்களது துணையை பிரிந்து தற்போது தனியாக வாழ்ந்து வருகின்றனர். 2018 ஆம் ஆண்டில், இந்திய கிரிக்கெட் வீரர் ஷமி, அவரது மனைவி ஹசின் ஜஹானால் மனரீதியாக கஷ்டப்பட்டதாக தெரிவித்தார். இந்த காரணத்திற்காக, ஷமி மற்றும் ஹசீன் பிரிந்து வாழ்கின்றனர்,. ஆனால் அவர்கள் இன்னும் சட்டப்பூர்வமாக விவாகரத்து செய்யப்படவில்லை. 

அதேநேரத்தில், சானியா மிர்சா பாகிஸ்தான் கிரிக்கெட் வீரர்ஷோயப் மாலிக்கை 2010 இல் திருமணம் செய்தார். இவர்களுக்கு இஷான் மிர்சா மாலிக் என்ற மகனும் உள்ளார். தற்போது இவர்களும் விவாகரத்து பெற்று தனியே வாழ்கின்றனர். ஷோயப் மாலிக் ஜனவரி 20 அன்று பாகிஸ்தான் நடிகை சனா ஜாவேத்தை திருமணம் செய்தார்.