CSK vs PBKS LIVE Score: எடுபடாத சென்னை பவுலிங்; 7 விக்கெட்டுகள் வித்தியாசத்தில் பஞ்சாப் வெற்றி!
IPL 2024 CSK vs PBKS LIVE Score: சென்னை சூப்பர் கிங்ஸ் மற்றும் பஞ்சாப் கிங்ஸ் அணிகளுக்கு இடையிலான போட்டி குறித்த லைவ் அப்டேட்டுகளை நமது ஏபிபி நாடு தளத்தில் காணலாம்.
LIVE
Background
நடப்பு ஐபிஎல் தொடரில் சொந்த மண்ணில் கலக்கலாக வெற்றிகளைக் குவித்து வரும் அணிகளில் சென்னை சூப்பர் கிங்ஸ் அணியும் ஒன்று அதேபோல், தொடக்கத்தில் தோல்விகளைச் சந்தித்தாலும் பலமான அணிகளுக்கு எதிராக அதிரடியாக விளையாடி வெற்றியை தன்வசப்படுத்தும் அணி என்றால் அதில் பஞ்சாப் கிங்ஸ் அணியின் பெயர் கட்டாயம் இருக்கும். இந்நிலையில் இரு அணிகளும் இன்று அதாவது மே மாதம் முதல் தேதியில் மோதிக்கொள்ளவுள்ளது.
இரு அணிகளும் நடப்புத் தொடரில் முதல் முறையாக மோதிக்கொள்ளவுள்ளது. சென்னை சூப்பர் கிங்ஸ் அணி நடப்புத் தொடரில் இதுவரை மொத்தம் 9 போட்டிகளில் விளையாடி அதில் 5 போட்டிகளில் வெற்றியும் நான்கு போட்டிகளில் தோல்வியும் சந்தித்துள்ளது. இதனால் புள்ளிப்பட்டியலில் நான்காவது இடத்தில் உள்ளது. இன்றைய ஆட்டத்தில் வெற்றி பெற்றால் சென்னை சூப்பர் கிங்ஸ் அணி புள்ளிப்பட்டியலில் மூன்றாவது இடத்திற்கு முன்னேறும்.
அதேபோல் புள்ளிப்பட்டியலில் 8வது இடத்தில் உள்ள பஞ்சாப் அணி இதுவரை 9 போட்டிகளில் விளையாடி மூன்று போட்டிகளில் மட்டுமே வெற்றி பெற்றுள்ளது. 6 போட்டிகளில் தோல்வியைச் சந்தித்துள்ளது. பஞ்சாப் கிங்ஸ் அணி தனக்கு மீதமுள்ள 5 போட்டிகளிலும் வெற்றி பெற்றால் மட்டும்தான் தனது ப்ளேஆஃப் சுற்று வாய்ப்பில் நீடிக்க முடியும். பஞ்சாப் அணியைப் பொறுத்தவரையில் தரமான அணியாக இருந்தாலும் களத்தில் எதாவது சொதப்பலாக அமைந்து வெற்றிக்கு அருகில் சென்று தோல்வியை தழுவும் நிலைக்கு ஆளாகியுள்ளது.
இந்நிலையில் இன்றைய ஆட்டத்தில் பஞ்சாப் கிங்ஸ் அணி வெற்றி பெற்றால் அதன் ப்ளேஆஃப் சுற்று வாய்ப்பு பிரகாசமாக இருக்கும் இல்லை என்றால், பெங்களூரு மற்றும் மும்பை அணிகளுடன் கடைசி மூன்று இடத்திற்கு போராடவேண்டிய நிலை ஏற்படும்.
சொந்த மண்ணில் களமிறங்கும் சென்னை
சென்னை அணிக்கு இன்றைய போட்டியில் உள்ள சாதகமான விஷயங்களில் ஒன்று அதன் சொந்த மைதானத்தில் தனது ரசிகர்கள் பட்டாளத்திற்கு மத்தியில் களமிறங்குவதும் கடந்த போட்டியில் பலமான பேட்டிங் வரிசை கொண்ட ஹைதராபாத் அணியை வீழ்த்தியதும்தான். இப்படியான நிலையில் இன்றைய ஆட்டத்தில் சென்னை அணி தனது வெற்றியை எட்ட அனைத்து முயற்சிகளையும் எடுக்கும் என்ற நம்பிக்கையில் ரசிகர்கள் மைதானத்தில் கூடியுள்ளனர்.
ஐபிஎல்லில் சென்னை சூப்பர் கிங்ஸ் மற்றும் பஞ்சாப் கிங்ஸ் இதுவரை 28 முறை நேருக்குநேர் மோதியுள்ளன. இதில் அதிகபட்சமாக சென்னை அணி 15 முறையும், பஞ்சாப் 13 முறையும் வெற்றிபெற்றுள்ளது.
CSK vs PBKS LIVE Score: தொடரும் சென்னையின் தோல்விப் பயணம்!
சென்னை அணி பஞ்சாப் அணிக்கு எதிராக கடைசியாக நடைபெற்ற 5 போட்டிகளிலும் தோல்வியையே சந்தித்துள்ளது.
CSK vs PBKS LIVE Score: எடுபடாத சென்னை பவுலிங்; 7 விக்கெட்டுகள் வித்தியாசத்தில் பஞ்சாப் வெற்றி!
பஞ்சாப் கிங்ஸ் அணி 17.5 ஓவர்களில் 3 விக்கெட்டுகளை இழந்து 7 விக்கெட்டுகள் வித்தியாசத்தில் சென்னை அணியை அதன் சொந்த மைதானத்தில் வீழ்த்தியது. இந்த வெற்றியின் மூலம் பஞ்சாப் அணி புள்ளிப்பட்டியலில் 8வது இடத்தில் இருந்து 7வது இடத்திற்கு முன்னேறியது.
CSK vs PBKS LIVE Score: 150 ரன்களில் பஞ்சாப்!
16.4 ஓவர்களில் பஞ்சாப் அணி 3 விக்கெட்டுகளை இழந்து 151 ரன்கள் சேர்த்து விளையாடி வருகின்றது.
CSK vs PBKS LIVE Score: மெய்டன் ஓவர் வீசி மிரட்டிவிட்ட முஸ்தஃபிசூர்!
சென்னை அணியின் வேகப்பந்து வீச்சாளர் முஸ்தஃபிசூர் ஆட்டத்தின் 15வது ஓவரில் ஒரு ரன்கூட கொடுக்காமல் சிறப்பாக பந்து வீசி பஞ்சாப் அணிக்கு நெருக்கடியை ஏற்படுத்த முயற்சி செய்துள்ளார்.
CSK vs PBKS LIVE Score: ரூஸோ அவுட்!
சிறப்பாக விளையாடி வந்த ரூஸோ 23 பந்தில் 43 ரன்கள் சேர்த்து ஷர்துல் தாக்கூர் பந்தில் தனது விக்கெட்டினை இழந்து வெளியேறினார்.
தலைப்பு செய்திகள்
ட்ரெண்டிங் செய்திகள்
