Nidhi Tewari IFS: பிரதமர் மோடியின் புதிய தனிச்செயலாளர் நிதி திவேரி! யார் இந்த இளம் IFS அதிகாரி?
Nidhi Tewari PM Modi Private Secretary: பிரதமர் மோடியின் புதிய தனிச்செயலாளராக ஐஎஃப்எஸ் அதிகாரியான நிதி திவேரி நியமிக்கப்பட்டுள்ளார்.
Nidhi Tewari PM Modi Private Secretary: பிரதமர் நரேந்திர மோடியின் தனிச்செயலாளராக நிதி திவேரி நியமிக்கப்பட்டுள்ளார். ஐஎஃப்எஸ் அதிகாரியான இவர் பிரதமர் மோடியின் தனிச்செயலாளராக நியமிக்கப்பட்டுள்ளார் என்று இன்று அதிகாரப்பூர்வ அறிவிப்பு வெளியாகியுள்ளது.
புதிய தனிச்செயலாளர் நிதி திவேரி யார்?
பிரதமரின் புதிய தனிச்செயலாளராக நியமிக்கப்பட்டுள்ள நிதி திவேரி உத்தரபிரதேசத்தைச் சேர்ந்த பெண்மணி ஆவார். இவர் அந்த மாநிலத்தில் உள்ள வாரணாசியில் உள்ள மேமுர்கஞ்ச்சில் பிறந்தவர். 2014ம் ஆண்டு பிரதமர் மோடி வெற்றி பெற்ற மக்களவைத் தொகுதியின் கீழ இந்த பகுதி வருகிறது.
இவர் ஐஎஃப்எஸ் ஆவதற்கு முன்பு வாராணாசியில் வணிகவரித்துறை உதவி ஆணையராக பணியாற்றி வந்தார். பின்னர், 2014ம் ஆண்டு நடந்த யுபிஎஸ்சி தேர்வில் தேசிய அளவில் 96வது இடம் பிடித்து தேர்ச்சி பெற்றார்.
பணி அனுபவம்:
தற்போது பிரதமரின் தனிச்செயலாளராக இவர் நியமிக்கப்படுவதற்கு முன்பு பிரதமர் அலுவலகத்தில் துணைச் செயலாளராக பணியாற்றி வந்தார். கடந்த 2023ம் ஆண்டு முதல் இந்த பணியில் இவர் பணியாற்றி வருகிறார். தற்போது அவருக்கு பதவி உயர்வு அளிக்கப்பட்டு தனிச்செயலாளராக நியமிக்கப்பட்டுள்ளார். மேலும், வெளியுறவு பாதுகாப்பில் துணைச் செயலாளராக பணியாற்றி நாட்டின் தேசிய பாதுகாப்பு செயலாளர் அஜித் தோவலின் தலைமைக்கு கீழ் பணியாற்றிய அனுபவமும் இவருக்கு உண்டு.
பிரதமர் மோடிக்கு நியமிக்கப்பட்ட தனிச்செயலாளர்களிலே இவர்தான் மிகவும் இளையவர் ஆவார். 2016ம் ஆண்டு பீமல்சன்யால் நினைவு விருது சிறந்த பயிற்சி அதிகாரியாக செயல்பட்டதற்கு வழங்கப்பட்டுள்ளது. இவரது சிறப்பான பணி காரணமாக இவர் கடந்த 2022ம் ஆண்டு முதல் பிரதமர் அலுவலகத்தில் பணியாற்றி வருகிறார்.
மிகவும் இளவயது:
பிரதமர் மோடிக்கு ஏற்கனவே தனிச்செயலாளர்களாக விவேக்குமார் மற்றும் ஹர்திக் சதீஷ்சந்திரா சிங் பணியாற்றி வருகின்றனர். ஐஎஃப்எஸ் அதிகாரியாக பொறுப்பேற்ற 10 ஆண்டுகளில் இவர் பிரதமரின் தனிச்செயலாளராக நியமிக்கப்பட்டுள்ளார் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
