Aloo Paneer Kofta Recipe : சுவையான உருளைக்கிழங்கு பன்னீர் கோப்தா ரெசிபி இங்கே!

Aloo Paneer Kofta Recipe : இந்த சுவையான உருளைக்கிழங்கு பன்னீர் கோப்தா ரெசிபியை இன்றே வீட்டில் செய்து மகிழுங்கள்..!

உருளைக்கிழங்கு பனீர் கோஃப்தா

தேவையான பொருட்கள் : உருளைக்கிழங்கு - 3 வேகவைத்தது, பன்னீர் - 200 கிராம் துருவியது, கல்லுப்பு - 3/4 தேக்கரண்டி தட்டியது, சாட் மசாலா - 1 தேக்கரண்டி, கரம் மசாலா - 1/2 தேக்கரண்டி, மிளகாய் தூள் - 1 தேக்கரண்டி, சோள மாவு - 2 மேசைக்கரண்டி, பால் பவுடர் - 2 மேசைக்கரண்டி, கொத்தமல்லி இலை, முந்திரி நறுக்கியது, திராட்சை, எண்ணெய்.

செய்முறை : முதலில் பாத்திரத்தில் வேக வைத்து, தோல் நீக்கி, துண்டுகளாக நறுக்கிய உருளைக்கிழங்கை போட்டுக் கொள்ளவும்.

இதனுடன் துருவிய பன்னீர், தட்டிய கல் உப்பு, கரம் மசாலா, மிளகாய் தூள், சோள மாவு, பால் பவுடர் மற்றும் கொத்தமல்லி இலை சேர்த்து மசித்து பிசையவும்.

கையில் சிறிதளவு எண்ணெய் தடவி, செய்த கலவையில் இருந்து சிறிய உருண்டை எடுத்து லேசாக தட்டி நடுவில் சிறிய குழி செய்து பொடியாக நறுக்கிய முந்திரி மற்றும் திராட்சை வைத்து மூடிவும்.

பின் வடை போல் தட்டி கொள்ளவும். தவாவில் தேவையான அளவு எண்ணெய் ஊற்றி, செய்த வடைகளை போட்டு இருபுறமும் பொன்னிறமாகும் வரை பொரித்தெடுக்கவும்.

அவ்வளவுதான் அசத்தலான உருளைக்கிழங்கு பன்னீர் கோப்தா தயார்.