Amaravathi : 31 ஆண்டுகளை கடந்த அமராவதி... அஜித் ரசிகர்கள் கொண்டாட்டம்!

31 years of Amaravathi : நடிகர் அஜித் அறிமுகமான அமராவதி திரைப்படம் வெளியாகி இன்றுடன் 31 ஆண்டுகளை நிறைவு செய்கிறது.

அமராவதி

தமிழ் சினிமாவின் முன்னணி நடிகர்களில் ஒருவராக ஏராளமான ரசிகர்களை கொண்ட ஒரு ஸ்டார் நடிகராக வலம் வருபவர் நடிகர் அஜித் குமார்.

1993ம் ஆண்டு வெளியான அமராவதி திரைப்படத்தின் மூலம் தமிழ் சினிமாவில் அறிமுகமானார்.

நடிகர் அஜித் திரைப்பயணமும் அமராவதி திரைப்படமும் இன்றுடன் 31 ஆண்டுகளை நிறைவு செய்கிறது.

அஜித் ஜோடியாக நடிகை சங்கவி நடித்திருந்தார். தலைவாசல் விஜய், சார்லி, நாசர், கவிதா, நிழல்கள் ரவி உள்ளிட்ட பலர் முக்கிய கதாபாத்திரத்தில் நடித்திருந்தனர்.   

சோழா கிரியேஷன்ஸ் நிறுவனத்தின் கீழ் பொன்னுரங்கம் இப்படத்தை தயாரிக்க செல்வா இயக்கி இருந்தார்.

இசையமைப்பாளர் பாலபாரதி இசையில் அமராவதி படத்தின் பாடல்கள் அனைத்தும் இன்று வரை பிரபலமாக இருக்கும் எவர்க்ரீன் சாங்ஸ்.

ரசிகர்கள் அஜித்தின் முதல் படம் வெளியான இந்த நாளை கொண்டாடி வருகிறார்கள்.