Kalaimamani Awards 2025 : முதல்வர் கையால் கலைமாமணி விருது வென்ற தமிழ் திரை கலைஞர்கள்

Kalaimamani Award 2025 : தமிழ் திரையுலகைச் சேர்ந்த கலைஞர்கள் முதல்வர் முக ஸ்டாலின் கையால் கலைமாமணி விருதை பெற்றுக்கொண்டனர்

முக ஸ்டாலின் , கலைமாமனி விருதுகள் 2025

தமிழ்நாடு அரசின் உயரிய கலை விருதான ‘கலைமாமணி’ விருதுகள் இன்று சென்னையின் கலைவாணர் அரங்கில் கோலாகலமாக வழங்கப்பட்டன. 2021, 2022 மற்றும் 2023 ஆண்டுகளுக்கான விருதுகள் இந்த ஒரே விழாவில் வழங்கப்பட்டன.

தமிழ்நாடு முதல்வர் மு.க.ஸ்டாலின் அவர்கள் விழாவில் கலந்து கொண்டு, 90 கலைஞர்களுக்கு கலைமாமணி விருதுகளை வழங்கினார். நிகழ்ச்சியில் கலைத்துறை அமைச்சர் தங்கம் தேனாரசு, அரசுத் தலைமைச் செயலாளர் சண்முகம், மற்றும் பல முக்கிய ஆளுமைகள் பங்கேற்றனர்.

தமிழ் திரையுலகைச் சேர்ந்த எஸ்.ஜே சூர்யா , சாய் பல்லவி , ஸ்வேதா மோகன் , விஜய் யேசுதாஸ் , சாண்டி மாஸ்டர் , திலிப் சுப்பராயன் மணிகண்டன் ஆகியோர் முதல்வர் கையால் விருதை பெற்றுக்கொண்டனர்

கலைமாமணியுடன் சேர்ந்து சிறப்புப் பிரிவுகளுக்கான மூன்று முக்கிய விருதுகளும் வழங்கப்பட்டன. பாரதியார் விருது (இயல்) – முனைவர் ந. முருகேச பாண்டியன் , எம்.எஸ். சுப்புலட்சுமி விருது (இசை) – பிரபல பாடகர் கே.ஜே. யேசுதாஸ் , பாலசரஸ்வதி விருது (நாட்டியம்) – பத்மஸ்ரீ முத்துகண்ணம்மாள்

விழாவில் உரையாற்றிய முதல்வர் மு.க.ஸ்டாலின் கூறியதாவது “தங்கத்தை விட கலைமாமணி பட்டத்துக்கு மேலான மதிப்பு உண்டு. கலைஞர்கள் தான் தமிழின் அடையாளம். அவர்களின் பங்களிப்பு தமிழ்ச் சமூகத்தின் மரபையும் மனிதநேயத்தையும் உயர்த்துகிறது.”

மேலும், கலைமாமணி விருது பெற்ற கலைஞர்களுக்கான நிதி உதவித் தொகை ரூ.1 லட்சம் என உயர்த்தப்பட்டதாக அறிவித்தார்.

1954ஆம் ஆண்டு முதல் தமிழ்நாடு அரசு வழங்கி வரும் இந்த விருது, இயல், இசை, நாடகம், நடனம், திரைப்படம்உள்ளிட்ட துறைகளில் சிறந்து விளங்கும் கலைஞர்களுக்காக நிறுவப்பட்டது. இதுவரை பல தலைமுறை கலைஞர்கள் — சிவாஜி கணேசன், எம்.எஸ். சுப்புலட்சுமி, கே.பி. சுந்தரம்பாள், இலையராஜா உள்ளிட்டோர் — இந்த விருதை பெற்றுள்ளனர். கலைமாமணி என்பது தமிழ்நாட்டின் கலைத்துறைக்கான உயரிய அரசுமட்ட அங்கீகாரம் ஆகும்.