சிஎஸ்கே வெற்றிபெற வேண்டும்.. 12 அடியில் தோனியின் உருவத்தை ரங்கோலியாக வரைந்த புதுச்சேரி பட்டதாரி

ஐபிஎல் போட்டியில் சிஎஸ்கே வெற்றிபெற வேண்டும் என தோனியின் உருவத்தை 12 அடியில் ரங்கோலியாக வரைந்துள்ளார் புதுச்சேரி ஓவிய பட்டதாரி பெண்

தோனியை வரைந்த பட்டதாரி

ஐபிஎல் போட்டியில் சிஎஸ்கே வெற்றிபெற வேண்டும் என்ற எண்ணத்துடன் டோனியின் உருவத்தை 12 அடியில் ரங்கோலியாக வரைந்து புதுச்சேரி பெண் அசத்தியுள்ளார். ஐ.பி.எல். தொடரின் 2021-ஆம் ஆண்டிற்கான இறுதிப்போட்டி இன்று துபாயில் சர்வதேச கிரிக்கெட் மைதானத்தில் நடைபெற உள்ளது. இந்த போட்டியில் சென்னை சூப்பர் கிங்ஸ் அணியும், கொல்கத்தா நைட் ரைடர்ஸ் அணியும் நேருக்கு நேர் மோதுகின்றன. சுமார் 9 ஆண்டுகளுக்கு பிறகு சென்னையும், கொல்கத்தாவும் ஐ.பி.எல். இறுதிப்போட்டியில் நேருக்கு நேர் மோதுகின்றன.

இன்று நடைபெற உள்ள ஐபிஎல் போட்டியில், சென்னை வெற்றிபெற வேண்டும் என்ற எண்ணத்துடன் தோனியின் உருவத்தை 12 அடியில் ரங்கோலியாக வரைந்து அசத்தி ரசிகர்களின் கவனத்தை ஈர்த்துள்ளார் புதுச்சேரி ஓவிய பட்டதாரி பெண்ணான அறிவழகி. புதுச்சேரி முருங்கம்பாக்கத்தை சேர்ந்தவர் அறிவழகி. ஓவிய பட்டதாரி பெண்ணான இவர், தலைவர்களின் பிறந்த நாளின் போது அவர்களது உருவத்தை ரங்கோலி மற்றும் பல்வேறு பொருட்களை கொண்டு ஓவியங்களாக வரைந்து அசத்தி வருகிறார்.

இந்த நிலையில் இன்று சென்னை கொல்கத்தா அணிகளுக்கு இறுதிப் போட்டி நடைபெற உள்ள நிலையில், இந்திய அணியின் முன்னாள் கேப்டனும், தற்போதைய சென்னை சூப்பர் கிங்ஸ் அணியின் கேப்டனுமான டோனிக்கு வாழ்த்து தெரிவிக்கும் வகையிலும் சென்னை அணி வெற்றி பெற வாழ்த்தும் வகையில் ஓவியர் அறிவழகி 12 அடி உயரம் மற்றும் 12 அடி அகலத்தில் தோனியின் உருவத்தை தத்ரூபாமாக வரைந்து அசத்தியுள்ளார். 7 கிலோ கலர் கோலமாவை கொண்டு 2 நாட்களில் தோனியின் உருவத்தை ரங்ககோலியாக வரைந்து அவருக்கு வித்தியாசமான முறையில் வாழ்த்து தெரிவித்துள்ளார். ஓவிய மாணவியின் இந்த ஓவியம் அனைவரின் கவனத்தை மட்டுமல்லாமல் தோனி ரசிகர்களின் கவனத்தையும் ஈர்த்துள்ளது.

 

இந்த நிலையில், கடலூர் மாவட்டம் திட்டக்குடி அருகேயுள்ள அரங்கூரைச் சேர்ந்த கோபிகிருஷ்ணன். எம்.எஸ்.தோனியின் தீவிர ரசிகரான இவர், அவர் மீதான தனது நம்பிக்கை, சிஎஸ்கே அணியின் மீதான ஈர்ப்பை வெளிப்படுத்தும் வகையில், தனது வீட்டை முழுமையாக மஞ்சள் வண்ணத்தில் மாற்றியிருந்தார். மேலும், வீட்டின் முகப்பில் தோனியின் உருவப் படங்களையும் இடம்பெறச் செய்து அசத்தி இருந்தார். இந்நிலையில், இன்று நடைபெற்று வரும் ஐபிஎல் கிரிக்கெட் தொடரில் சென்னை சூப்பர் கிங்ஸ் அணியின் கேப்டனாக உள்ள தோனி , போட்டிகளில் பங்கேற்று வருகிறார். சிஎஸ்கேவுக்கு விசில் போடு இன்று நடைபெறும் ஆட்டம் நெருப்பு ஆட்டமாக இருக்கும். சிஎஸ்கே அணி இன்று வெற்றி பெற்றும் என்னு கூறி வீடியோ வெளியிட்டுள்ளார் என்பது குறிப்பிடத்தக்கது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண