Gambhir: யாருகிட்ட வேணும்னாலும் சொல்லு.. மைதானத்திலே கம்பீர் சண்டை - மல்லுகட்டும் வீடியோ வைரல்!

இந்தியா - இங்கிலாந்து மோதும் 5வது டெஸ்ட் கிரிக்கெட் போட்டியின் மைதான பராமரிப்பாளருடன் கம்பீர் சண்டையிட்ட வீடியோ இணையத்தில் வைரலாகி வருகிறது.

கவுதம் கம்பீர்

Source : twitter

இந்திய அணி - இங்கிலாந்து அணி மோதும் கடைசி டெஸ்ட் கிரிக்கெட் நாளை மறுநாள் லண்டனில் உள்ள கென்னிங்டன் ஓவலில் நடக்கிறது. இந்த போட்டிக்காக இந்திய மற்றும் இங்கிலாந்து அணி வீரர்கள் மைதானத்தில் தயாராகி வருகின்றனர். இந்த போட்டியில் இந்திய அணி வெற்றி பெற்றால் மட்டுமே தொடரை சமன் செய்ய இயலும். 

மைதான பராமரிப்பாளருடன் கம்பீர் சண்டை:

இந்த நிலையில், ஓவல் மைதானத்தில் இந்திய அணி பயிற்சி மேற்கொண்டிருந்தபோது இந்திய கேப்டன் கம்பீருக்கும், மைதான பராமரிப்பாளருக்கும் இடையே காரசாரமான வாக்குவாதம் நடந்த வீடியோ வெளியாகியுள்ளது. 

ஓவல் மைதானத்தின் பராமரிப்பாளராக லீ ஃபோர்டிஸ் பொறுப்பு வகிப்பார். அந்த வீடியோவில் கம்பீர் ஆவேசமாக ஃபோர்டிசிடம் ஆவேசமாக பேசுகிறார். அருகில் சக இந்திய வீரர்கள் உள்ளனர். அதற்கு ஃபோர்டிசும் ஏதோ கூறி அங்கிருந்து நகர்கிறார். அவருடன் பேசிக்கொண்டே இந்திய பேட்டிங் பயிற்சியாளர் பயிற்சியாளர் சிதன்ஷி கோடக் செல்கிறார். அவர் மைதானத்தை காட்டி ஏதோ கூறுகிறார். 

யாரிடம் வேண்டுமானாலும் கூறு:

VIDEO | Indian team's head coach Gautam Gambhir was seen having verbal spat with chief curator Lee Fortis at The Oval Cricket Ground in London ahead of the last Test match of the series starting Thursday.

After having drawn the fourth Test at Old Trafford, India have a chance… pic.twitter.com/hfjHOg9uPf

— Press Trust of India (@PTI_News) July 29, 2025

அதற்கு ஃபோர்டிசும் அவரிடம் ஏதோ பதில் அளிக்கிறார். அப்போது, அதை சற்று தூரத்தில் நின்று கேட்டுக்கொண்டிருந்த கவுதம் கம்பீர் மேலும் கோபம் அடைந்தார். அவர் உடனடியாக "நீ யாரிடம் வேண்டுமானாலும் சென்று கூறு. ஆனால், நாங்கள் என்ன செய்ய வேண்டும் என்று நீ சொல்லக்கூடாது" என்று ஆவேசமாக கூறினார். இதை தொலைவில் நின்ற ரசிகர் ஒருவர் வீடியோவாக எடுத்தார். அந்த வீடியோ தற்போது இணையத்தில் வைரலாகி வருகிறது. 

கம்பீருக்கும், மைதான பராமரிப்பாளருக்கும் நடந்த வார்த்தை மோதல் குறித்து இங்கிலாந்து கிரிக்கெட் வாரியம் விசாரணை மேற்கொண்டு வருகிறது. இங்கிலாந்து அணியில் நடக்கும் இந்த தொடரில் இங்கிலாந்து அணிக்கு சாதகமாக மைதானம் தொடக்கம் முதலே சாதகமாக அமைக்கப்பட்டு வருகிறது. குறிப்பாக, பேஸ்பால் எனப்படும் அடித்து ஆடும் அவர்களின் யுக்திக்கு ஏற்ப மைதானத்தை லீட்ஸ், எட்ஜ்பாஸ்டன் மற்றும் மான்செஸ்டரில் வடிவமைத்தனர். ஆனால், லார்ட்ஸ் மைதானம் சற்று பந்துவீச்சுக்கு சாதகமாக இருந்தது. 

இந்தியாவுக்கு சவால்:

அவர்கள் பேட்டிங்கிற்கு சாதகமாக அமைத்த மான்செஸ்டர் மைதானம் அவர்களது வெற்றிக்கு எதிராகவே அமைந்தது. இதனால், இந்த போட்டியில் டிரா செய்தாலே இங்கிலாந்து தொடரை கைப்பற்றிவிடும் என்பதால் இந்த போட்டிக்கான மைதானத்தையும் இங்கிலாந்து அவர்களுக்கு சாதகமாக வடிவமைக்க கோரிக்கை வைத்திருப்பதாக தகவல் வெளியாகியுள்ளது.