Breaking News LIVE: 34 மாவட்டங்களில் இன்று இரவு 10 மணி வரை மழை இருக்கும் - வானிலை மையம்

Breaking News LIVE: நாடு முழுவதும் நடைபெறும் பல்வேறு முக்கிய நிகழ்வுகளை உடனுக்குடன் காண, ஏபிபி இணைய செய்தி தளத்துடன் தொடர்ந்து இணைந்திருங்கள்

Background

• தமிழகத்தில் இன்று 3 மாவட்டத்தில் மிக கனமழையும்,13  மாவட்டங்களில் கனமழைக்கும் வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது. திருச்சி, ராமநாதபுரம், கரூர் ஆகிய மாவட்டங்களில் கடந்த 24 மணி நேரத்தில் அதிகப்பட்சமாக 10 செ.மீ., மழையானது பதிவாகியுள்ளது.பல நீர் நிலைகளில் வெள்ளப்பெருக்கு ஏற்பட்டுள்ளதால் சுற்றுலா பயணிகளுக்கும், உள்ளூர் மக்களுக்கும் கட்டுப்பாடுகள் விதிக்கப்பட்டுள்ளது. கொடைக்கானலில் கோடை விழாவை முன்னிட்டு இன்று நடக்கவிருந்த படகுப்போட்டி முன்னெச்சரிக்கை காரணமாக ரத்து செய்யப்பட்டு மே 25 ஆம் தேதி நடைபெறும் என தெரிவிக்கப்பட்டுள்ளது 
• முன்னாள் பிரதமர் ராஜீவ் காந்தியின் 33வது நினைவு தினம் இன்று அனுசரிக்கப்படுகிறது. இதனை முன்னிட்டு டெல்லியில் உள்ள அவரது நினைவிடத்தில் அரசியல் தலைவர்கள் அஞ்சலி செலுத்தி வருகின்றனர். 
• ஐபிஎல் தொடரில் இன்று நடக்கும் முதல் பிளே ஆஃப் சுற்றில் கொல்கத்தா - ஹைதராபாத் அணிகள் மோதுகின்றது. இதில் ஜெயிக்கும் அணி நேரடியாக இறுதிப்போட்டிக்கு தகுதி பெறும். தோற்கும் அணிக்கு மேலும் ஒரு வாய்ப்பு வழங்கப்படும். நாளை நடைபெறும் எலிமினேட்டர் போட்டியில் ராஜஸ்தான், பெங்களூரு அணிகள் மோதுகிறது. இதில் ஜெயிக்கும் அணியுடன் முதல் பிளே ஆஃப் போட்டியில் தோற்ற அணி விளையாடும் . 

19:56 PM (IST)  •  21 May 2024

Breaking News LIVE: 34 மாவட்டங்களில் இன்று இரவு 10 மணி வரை மழை இருக்கும் - வானிலை மையம்

தமிழ்நாட்டில் உள்ள 34 மாவட்டங்களில் இன்று இரவு 10 மணி வரை மழைக்கு வாய்ப்புள்ளதாக வானிலை மையம் தெரிவித்துள்ளது. 

pic.twitter.com/TJVoOdsgqU

— Tamilnadu Weather-IMD (@ChennaiRmc) May 21, 2024

18:11 PM (IST)  •  21 May 2024

திருச்செந்தூர் கோயில் வளாகத்தில் அசைவ உணவு சமைக்க தடை - கோயில் நிர்வாகம் அறிவிப்பு

திருச்செந்தூர் கோவில் வளாகத்தில் அசைவ உணவு சமைக்க தடை. உலகப்புகழ்பெற்ற திருச்செந்தூர் அருள்மிகு சுப்பிரமணிய சுவாமி திருக்கோயிலில் வைகாசி விசாகத்தையொட்டி விரதம் இருக்கும் பக்தர்கள்  கோவில் வளாகத்தில்  அசைவ உணவுகளை சமைக்க தடை விதித்து கோவில்  நிர்வாகம் அறிவித்துள்ளது. 

17:22 PM (IST)  •  21 May 2024

எடப்பாடியில் கடந்த ஒரு மணி நேரத்திற்கு மேலாக மழை

சேலத்தில் உள்ள எடப்பாடியில் கடந்த ஒரு மணி நேரத்திற்கு மேலாக மழை பெய்து வருகிறது. 

16:42 PM (IST)  •  21 May 2024

மதுரையில் நாளை அரசு சித்திரை பொருட்காட்சி

மதுரையில் நாளை அரசு சித்திரை பொருட்காட்சி நடைபெற உள்ளது. 

16:06 PM (IST)  •  21 May 2024

Breaking News LIVE: முன்னாள் சிறப்பு டிஜிபி ராஜேஷ் தாஸ் மீது முன்னாள் மனைவி பீலா வெங்கடேஷ் புகார்

முன்னாள் சிறப்பு டிஜிபி ராஜேஷ் தாஸ் மீது முன்னாள் மனைவி பீலா வெங்கடேஷ் புகார் அளித்தையடுத்து, 5 பிரிவுகளில் வழக்குப்பதிவு செய்து காவல்துறையினர் விசாரணை செய்து வருகின்றனர்.