Breaking News Tamil LIVE: அதிமுக அலுவலகத்திற்கு சீல் ஏன்? - காவல்துறை விளக்கம்

இன்றைய தினத்தின் முக்கியச் செய்திகள் உடனுக்குடன்..

Background

சென்னையில் பெட்ரோல் மற்றும் டீசல் விலை 54வது நாளாக இன்றும் மாற்றமில்லாமல் தொடர்ந்து ஒரே விலையில் விற்பனை செய்யப்பட்டு வருகிறது. அதன்படி, பெட்ரோல் லிட்டருக்கு ரூபாய் 102.63க்கும், டீசல் லிட்டருக்கு ரூபாய் 94.24 ரூபாய்க்கும் இன்றும் விற்கப்படுகிறது. சர்வதேச சந்தையில் கச்சா எண்ணெயின் விலைக்கேற்ப இந்தியாவில் பெட்ரோல், டீசல் விலை நிர்ணயிக்கப்பட்டு வருகிறது. இது அவ்வப்போது ஏற்ற இறக்கத்தைக் கண்டு வருகிறது.

கொரோனா வைரஸ் தொற்றால் பிறப்பிக்கப்பட்ட ஊரடங்கால் பொதுமக்கள் கடந்த இரண்டு ஆண்டுகளாக அவதிப்பட்டு வந்த நிலையில் உக்ரைன் போர் உள்ளிட்ட பல காரணங்களால் கச்சா எண்ணெய் விலை அதிகரித்ததால் 137 நாட்களுக்குப் பின் மார்ச் 22ஆம் தேதி ஒரு லிட்டர் பெட்ரோல் விலை உயர்ந்து ரூ.110ஐ எட்டியது. இதனால் அத்தியாவசிய பொருட்களும் விலை உயர்ந்ததால் பொதுமக்கள் அதிர்ச்சியடைந்தனர். இதன் விலையை குறைக்க வேண்டும் என பலரும் கோரிக்கை விடுத்தனர்

இதனிடையே மத்திய நிதியமைச்சர் நிர்மலா சீதாராமன் கடந்த மே 21ஆம் தேதி பெட்ரோல் மற்றும் டீசலுக்கான கலால் வரியைக் குறைத்தார். இதன் காரணமாக பெட்ரோல் மற்றும் டீசல் விலையில் கடந்த மாதம் 22ஆம் தேதி மாற்றம் ஏற்பட்டது. ஒரு லிட்டர் பெட்ரோல் விலை ரூபாய்க்கு 8ம், டீசல் விலை ரூபாய்க்கு 6ம் கலால் வரி குறைப்பால் இறக்கம் கண்டது. இந்நிலையில் மாற்றம் செய்யப்பட்ட பெட்ரோல், டீசல் விலை 47ஆவது நாளாக விலை மாற்றமின்றி விற்பனை செய்யப்படுகிறது. 

கடந்த 2021ஆம் ஆண்டு  நவம்பர் 4ஆம் தேதி பெட்ரோல் விலை லிட்டருக்கு 5 ரூபாயும், டீசல் விலை 10 ரூபாயும் மத்திய அரசால் குறைக்கப்பட்டது. அன்றைய தினம் தமிழ்நாட்டில் லிட்டர் பெட்ரோல் ரூ 101. 40 க்கும் டீசல் விலை ரூ 91. 43 க்கும் விற்பனையானது. இதனைத் தொடர்ந்து ஐந்து மாநில தேர்தல் நடைபெற்றதால் இதன் விலை உயர்த்தப்படாமல் இருந்தது.

இந்நிலையில் இன்று( ஜூலை 14) ஒரு லிட்டர் பெட்ரோல் விலை ரூ.102.63க்கும், டீசல் விலை லிட்டருக்கு 94.24 ரூபாய்க்கும் விற்பனையாகிறது. முன்னதாக எரிபொருள் விலை உயர்வால் பால், டீ, காய்கறிகள், இதர உணவுப் பொருள்களின் விலை ஏறியது. தற்போது பெட்ரோல் விலை குறைந்த நிலையில் ஏற்றிய விலையைக் குறைப்பார்களா என்று பொதுமக்கள் கேள்வி எழுப்பி வருவது குறிப்பிடத்தக்கது. 

17:58 PM (IST)  •  15 Jul 2022

நிரம்பும் மேட்டூர் அணை - வெள்ள அபாய எச்சரிக்கை

மேட்டூர் அணையின் நீர்மட்டம் 115 அடியை எட்டியுள்ள நிலையில் வெள்ள அபாய எச்சரிக்கை விடப்பட்டுள்ளது.

17:44 PM (IST)  •  15 Jul 2022

குரூப் 1 தேர்வு முடிவுகள் வெளியானது

குரூப் 1 தேர்வு முடிவுகள் டிஎன்பிஎஸ்சி இணையதளத்தில் வெளியிடப்பட்டுள்ளன.

17:18 PM (IST)  •  15 Jul 2022

அதிமுக அலுவலக சீல் வழக்கு ஒத்திவைப்பு

அதிமுக அலுவலகத்தை சீல் வைத்ததுதொடர்பாக ஈபிஎஸ் மற்றும் ஓபிஎஸ் தொடர்ந்த வழக்கு திங்கட்கிழமைக்கு ஒத்திவைப்பு 

16:45 PM (IST)  •  15 Jul 2022

Breaking News Tamil LIVE:  அதிமுக அலுவலகத்திற்கு சீல் ஏன்? - காவல்துறை விளக்கம் 

அதிமுக அலுவலகத்திற்கு சீல் வைக்கப்பட்டது ஏன் என சென்னை உயர்நீதிமன்றத்தில் காவல்துறை சார்பில் விளக்கம் அளிக்கப்பட்டது. பொது அமைதிக்கு குந்தகம் விளைவித்ததால் தான் சீல் வைக்கப்பட்டது என்றும், சீல் வைக்கப்பட்ட உத்தரவை ரத்து மேலும் பிரச்சனை ஏற்படலாம் என தெரிவிக்கப்பட்டது. 

16:05 PM (IST)  •  15 Jul 2022

காவல்துறையின் தலையீடு இல்லாமல் போயிருந்தால் உயிரிழப்புகள் ஏற்பட்டிருக்கும் - அரசு தரப்பு வழக்கறிஞர்

காவல்துறையின் தலையீடு இல்லாமல் போயிருந்தால் உயிரிழப்புகள் ஏற்பட்டிருக்கும். நாங்கள் அதை தடுத்தோம். பொதுமக்கள் யாருக்கும் இதில் காயம் ஏற்படவில்லை என அரசு தரப்பு வழக்கறிஞர் பதிலளித்தார்.