7 AM Headlines: இன்று தமிழகம் வருகிறார் அமித்ஷா.. மதுரை சித்திரை திருவிழா இன்று தொடக்கம்.. இன்றைய ஹெட்லைன்ஸ்!

7 AM Headlines: கடந்த 24 மணி நேரத்தில் நடந்த முக்கிய நிகழ்வுகளை கீழே தலைப்புச் செய்திகளாக காணலாம்.

இன்றைய தலைப்புச்செய்திகள்

தமிழ்நாடு:

• ராகுல் காந்தி, முதலமைச்சர் மு.க.ஸ்டாலின் இன்று ஒரே மேடையில் பிரச்சாரம்; திருநெல்வேலி, கோவையில் ஏற்பாடுகள் தீவிரம்
• மோடி ரோடு ஷோவில் தேர்தல் நடத்தை விதிகளை மீறி பேனர்கள், பட்டாசு வெடிப்பு; பாஜகவினர் மீது காவல்துறையினர் வழக்குப்பதிவு
• தமிழ்நாட்டில் 8 இடங்களில் நேற்று வெயில் சதம்-திருப்பத்தூரில் அதிகபட்சமாக 108 டிகிரி கொளுத்தியது.
• தமிழ்நாடு முழுவதும் ரம்ஜான் கோலாகலமாக கொண்டாட்டம்; சிறப்பு தொழுகையில் ஆயிரக்கணக்கானோர் பங்கேற்பு
• மத்திய சென்னையில் பிரச்சாரத்திற்காக சென்ற திமுக வேட்பாளர் தயாநிதி மாறன் காரில் மீண்டும் சோதனை
• 8வது முறையாக வரும் 15ம் தேதி பிரதமர் மோடி தமிழ்நாடு வருகிறார்; திருநெல்வேலி பொதுக்கூட்டத்தில் உரையாற்றுகிறார்.
• தேர்தல் பிரச்சாரத்திற்காக இன்று மத்திய உள்துறை அமைச்சர் அமித்ஷா தமிழ்நாடு வருகிறார்.
• உலக பிரசித்தி பெற்ற மதுரை சித்திரை திருவிழா இன்று தொடக்கம்; வருகின்ற ஏப்ரல் 23ம் தேதி வைகையில் இறங்குகிறார் அழகர்
• தமிழ்நாடு மற்றும் புதுச்சேரியில் நேற்று (ஏப்ரல் 11) முதல் 5 நாட்களுக்கு லேசான மழை பொழிய வாய்ப்பு உள்ளதாக சென்னை வானிலை மையம் தெரிவித்துள்ளது.
• இந்தியாவின்‌ எழுச்சிக்கு தமிழ்நாடு முதலமைச்சர்‌ ஸ்டாலினின்‌ திராவிட மாடல் தத்துவமே வழிகாட்டி என்று திமுக பெருமிதம் தெரிவித்துள்ளது.
• மயிலாடுதுறையில் கடந்து பத்து நாட்களாக சிறுத்தை நடமாட்டம் உள்ள நிலையில், தற்போது நெல்லையில் கரடி நடமாட்டம் அச்சுறுத்தலை ஏற்படுத்தியுள்ளது.

இந்தியா:

• பொது சிவில் சட்டத்தை ஏற்றுக்கொள்ள மாட்டோம் - மேற்கு வங்க முதலமைச்சர் மம்தா பானர்ஜி
• பிரதமர் மோடியின் மீது மக்களுக்கு மிகப்பெரிய ஈர்ப்பு உள்ளது என ராஜ்நாத் சிங் தெரிவித்துள்ளார்.
• சைனிக் பள்ளிகளை தனியார் மயமாக்குவதை கைவிட வேண்டும் என குடியரசு தலைவருக்கு மல்லிகார்ஜூன கார்கே கடிதம்.
• 2024 நாடாளுமன்ற தேர்தலுக்கான மூன்றாம் கட்ட வேட்புமனு தாக்கல் இன்று தொடங்கும் என்று தேர்தல் ஆணையம் தெரிவித்துள்ளது.
• தமிழ்நாட்டின் களம் இந்தியா கூட்டணிக்கு சாதகமாக உள்ளது என மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி தெரிவித்துள்ளார்.
• இந்தியாவில் 75 சதவீதத்திற்கும் அதிகமான மக்கள் பிரதமர் மோடியை ஆதரிக்கின்றனர் என கர்நாடகா முன்னாள் முதலமைச்சர் பசுவராஜ் பொம்மை தெரிவித்துள்ளார்.
• எதிர்கட்சியினருக்கு தங்கள் வாரிசுகளை பற்றி மட்டும்தான் கவலை என மத்திய உள்துறை அமைச்சர் அமித்ஷா விமர்சனம்

உலகம்: 

• கட்டுமான பணிக்காக இந்தியாவில் இருந்து 6 ஆயிரம் தொழிலாளர்கள் வரவுள்ளதாக இஸ்ரேல் தகவல் தெரிவித்துள்ளது.
• வெப்ப அலை காரணமாக 24 கோடி குழந்தைகள் பாதிக்கப்பட வாய்ப்புள்ளதாக ஐ.நா எச்சரிக்கை.
• இங்கிலாந்தில் விசா முறைகேடு; பெண் உள்பட 12 இந்தியர்கள் கைது.
• ரஷ்யாவில் கூகுள் நிறுவனத்திற்கு ரூ. 400 கோடி அபராதம் விதிப்பு. பாகிஸ்தானில் விபத்து: பள்ளத்தில் டிரக் கவிழ்ந்ததில் 13 பேர் உயிரிழப்பு

விளையாட்டு: 

• ஐபிஎல் 2024: இன்றைய போட்டியில் டெல்லி கேப்பிடல்ஸ் - லக்னோ சூப்பர் ஜெயண்ட்ஸ் அணிகள் மோதல்.
• ஐ.எஸ்.எல் கால்பந்து: அரையிறுதி, இறுதிப்போட்டிக்கான தேதி அறிவிப்பு.
• பெங்களூரு அணிக்கு எதிரான போட்டியில் மும்பை இந்தியன்ஸ் அணி 7 விக்கெட் வித்தியாசத்தில் வெற்றிபெற்றது. 
• பெங்களூரு அணிக்கு எதிரான போட்டியில் 5 விக்கெட்களை வீழ்த்தி அசத்தினார் மும்பை இந்தியன்ஸ் வீரர் ஜஸ்பிரித் பும்ரா