Today Rasipalan, December 18: கும்பத்துக்கு இன்பம்! தனுசுக்கு ஆதாயம்! உங்கள் ராசிக்கான இன்றைய பலன்கள் இதோ!
Today Rasipalan: டிசம்பர் 18ஆம் தேதியான இன்று எந்தெந்த ராசியினருக்கு என்னென்ன பலன்கள் என்பதை கீழே விரிவாக காணலாம்.
நாள் - 18.12.2023 - திங்கள் கிழமை
நல்ல நேரம்:
காலை 6.15 மணி முதல் காலை 7.15 மணி வரை
மாலை 4.45 மணி முதல் மாலை 5.45 மணி வரை
இராகு:
காலை 7.30 மணி முதல் காலை 9.00 மணி வரை
குளிகை:
பகல் 1.30 மணி முதல் மாலை 3.00 மணி வரை
எமகண்டம்:
காலை 10.30 மணி முதல் நண்பகல் 12.00 மணி வரை
சூலம் - கிழக்கு
மேஷம்
தேவைகளை நிறைவேற்றிக் கொள்வீர்கள். உயர் பதவியில் இருப்பவர்களின் அறிமுகம் ஏற்படும். இழுபறியான பணிகளை செய்து முடிப்பீர்கள். ஒப்பந்தங்களில் இருந்துவந்த தாமதங்கள் விலகும். இரவு நேர பணிகளில் சில மாற்றங்கள் ஏற்படலாம். உத்தியோகத்தில் நுட்பமான சில விஷயங்களை புரிந்து கொள்வீர்கள். மனதளவில் புத்துணர்ச்சி உண்டாகும். வெற்றி நிறைந்த நாள்.
ரிஷபம்
சிறு வாய்ப்புகளிலும் திறமைகளை வெளிப்படுத்துவீர்கள். உறவினர்கள் ஆதரவாக இருப்பார்கள். நெருக்கமானவர்களின் தேவைகளுக்காக சிலரின் உதவிகளை தேடுவீர்கள். சுபகாரிய முயற்சிகளில் வெற்றி கிடைக்கும். கொடுத்த வாக்குறுதிகளை நிறைவேற்றுவீர்கள். வியாபாரத்தில் லாபம் மேம்படும். உயர் அதிகாரிகளிடம் இருந்துவந்த கருத்து வேறுபாடுகள் படிப்படியாக குறையும். பாராட்டுகள் நிறைந்த நாள்.
மிதுனம்
குடும்பத்தில் இருந்துவந்த கருத்து வேறுபாடுகள் விலகும். வெளிவட்டாரத்தில் புதிய அனுபவம் ஏற்படும். இழுபறியான சில வரவுகள் மீண்டும் கிடைக்கும். எதிர்பாராத சில உதவிகள் மாற்றத்தை ஏற்படுத்தும். வியாபாரத்தில் நிலுவையில் இருந்துவந்த பணிகளை செய்து முடிப்பீர்கள். மனதளவில் புதிய பாதைகள் புலப்படும். உழைப்பிற்கு உண்டான மதிப்பு கிடைக்கும். சிரமம் குறையும் நாள்.
கடகம்
மறைமுகமான விமர்சனங்கள் ஏற்பட்டு நீங்கும். உடனிருப்பவர்களை அனுசரித்துச் செல்லவும். சில முடிவுகளில் அனுபவம் கைகொடுக்கும். வியாபாரம் சார்ந்த ரகசியங்களில் கவனம் வேண்டும். புதிய துறைகளில் சிந்தித்துச் செயல்படவும். உயர் அதிகாரிகளிடத்தில் அனுசரித்துச் செல்லவும். தனிப்பட்ட விஷயங்கள் பகிர்வதை குறைத்துக் கொள்ளவும். பொறுமை வேண்டிய நாள்.
சிம்மம்
மனதளவில் புதிய தன்னம்பிக்கை உண்டாகும். குழந்தைகளின் எண்ணங்களை புரிந்து செயல்படுவீர்கள். சுபகாரிய பேச்சு வார்த்தைகள் சாதகமாக முடியும். புதிய நபர்களின் அறிமுகம் மாற்றத்தை ஏற்படுத்தும். வேலையாட்களை நியமனம் செய்வதற்கான எண்ணங்கள் உண்டாகும். சக ஊழியர்கள் ஆதரவாக இருப்பார்கள். நன்மை நிறைந்த நாள்.
கன்னி
மனதளவில் தெளிவு ஏற்படும். வெளியூரிலிருந்து நல்ல செய்திகள் கிடைக்கும். நண்பர்களின் ஒத்துழைப்பு மேம்படும். வெளிவட்டாரங்களில் செல்வாக்கு அதிகரிக்கும். போட்டி விஷயத்தில் ஆர்வம் ஏற்படும். வியாபாரத்தில் புதிய வாய்ப்புகள் கிடைக்கும். எதிர்பார்த்த உதவிகள் சாதகமாக அமையும். சவாலான வேலைகளையும் சாமர்த்தியமாக செய்து முடிப்பீர்கள். உதவி நிறைந்த நாள்.
துலாம்
வாகன வசதிகள் மேம்படும். எதிலும் சிக்கனமாக செயல்படுவீர்கள். புதிய தொழில் சார்ந்த தேடல் அதிகரிக்கும். திறமைகளை வெளிப்படுத்துவதில் கவனம் வேண்டும். குழந்தைகளின் வழியில் மகிழ்ச்சியான செய்திகள் கிடைக்கும். சிற்றின்பம் தொடர்பான விஷயங்களில் ஆர்வம் அதிகரிக்கும். உடல் தோற்றப்பொலிவு மேம்படும். சுபகாரியங்கள் தொடர்பான எண்ணங்கள் ஈடேறும். ஆக்கம் நிறைந்த நாள்.
விருச்சிகம்:
உறவினர்களின் சந்திப்புகள் ஏற்படும். நெருக்கமானவர்கள் பற்றிய புரிதல் உண்டாகும். வெளியூர் பயணங்களால் ஆதாயம் அடைவீர்கள். வாகன பழுதுகளை சரி செய்வீர்கள். பங்குதாரர்களின் ஒத்துழைப்பு மேம்படும். உத்தியோகத்தில் திருப்திகரமான சூழ்நிலைகள் உண்டாகும். மறைமுக தடைகளை வெற்றி கொள்வீர்கள். நலம் நிறைந்த நாள்.
தனுசு
மனதளவில் புதிய தன்னம்பிக்கை பிறக்கும். பிள்ளைகளால் மகிழ்ச்சியான தருணங்கள் அமையும். பூர்வீக பிரச்சனைகளுக்கு தீர்வு கிடைக்கும். மற்றவர்களின் தேவைகளை நிறைவேற்றி வைப்பீர்கள். மனதில் புதுவிதமான எண்ணங்கள் பிறக்கும். வியாபாரத்தில் அலைச்சல் அதிகரிக்கும். அலுவலகத்தில் உங்கள் கருத்துகளுக்கான மதிப்பு மேம்படும். ஆதாயம் நிறைந்த நாள்.
மகரம்
தம்பதிகளுக்குள் மனம் விட்டு பேசுவது நல்லது. நவீன மின்னணு சாதனங்களில் கவனம் வேண்டும். பொருளாதாரம் குறித்த சில முடிவுகளை எடுப்பீர்கள். புதிய ஆடைகளில் ஆர்வம் ஏற்படும். விலகி இருந்தவர்கள் விரும்பி வருவார்கள். உத்தியோகத்தில் தவறிய சில பொறுப்புகள் மீண்டும் கிடைக்கும். வியாபாரத்தில் உத்வேகம் ஏற்படும். கவனம் வேண்டிய நாள்.
கும்பம்
இனம்புரியாத சில கவலைகள் தோன்றி மறையும். வீண் விவாதங்களில் தலையிட வேண்டாம். வாடிக்கையாளர்களிடத்தில் கனிவு வேண்டும். சக ஊழியர்களிடத்தில் பொறுத்து நடந்துகொள்வது நல்லது. மனதில் பலதரப்பட்ட சிந்தனைகள் ஏற்பட்டு நீங்கும். சூழ்நிலைகள் அறிந்து கருத்துகளை வெளிப்படுத்தவும். வழக்கு விஷயங்களில் சிந்தித்துச் செயல்பட வேண்டும். இன்பம் நிறைந்த நாள்.
மீனம்
குடும்பத்தில் அனுசரித்து நடந்து கொள்ளவும். கடன் பிரச்சனைகள் கட்டுப்பாட்டுக்குள் வரும். உடல் ஆரோக்கியத்தில் கவனம் வேண்டும். வியாபாரத்தில் உழைப்பு அதிகரிக்கும். ஆன்மிகம் தொடர்பான சிந்தனைகள் மனதில் தோன்றும். சக ஊழியர்களால் அமைதியின்மை ஏற்படும். நினைத்த சில பணிகளில் தாமதம் உண்டாகும். ஆடம்பரப் பொருட்கள் மீதான ஆர்வம் அதிகரிக்கும். தன்னம்பிக்கை வேண்டிய நாள்.
தலைப்பு செய்திகள்
ட்ரெண்டிங் செய்திகள்
