ஊட்டச்சத்து நிறைந்த உயர்ந்த உணவு.. கொள்ளு இட்லி செய்யலாமா? இதோ ரெஸிபி..!

உலகச் சுகாதார நிறுவனத்தின் ‘ஊட்டச்சத்து நிறைந்த உயர்ந்த உணவு வகைகள்’  பட்டியலில், இட்லிக்கு முக்கியமான இடம் கொடுக்கப்பட்டுள்ளது.

கொள்ளு இட்லி

அரை கப் உளுந்து முக்கால் கப் கொள்ளு எடுத்துக் கொள்ளவும். இன்னொரு பவுலில் 1 கப் இட்லி அரிசி சேர்க்கவும். இவற்றை தனித்தனியாக அலசி மூன்று மணி நேரம் ஊற வைக்கவும்.

மூன்று மணி நேரத்திற்குப் பின்னர் க்ரைண்டரில் சேர்த்து அரைக்கவும். 20 நிமிடங்கள் நன்றாக அரைக்கவும். முதலில் உளுந்து, கொள்ளு சேர்த்து அரைக்கவும் பின்னர் இட்லி அரிசி சேர்த்து அரைக்கவும்.

இதை ஒரு பாத்திரத்தில் கலந்து வைத்துக் கொள்ளவும். தேவைக்கேற்ப அதில் உப்பு சேர்க்கவும்.

பின்னர் இட்லி மாவை வழக்கம் போல் புளிக்க விடவும். மறுநாள் அதனை வழக்கமான இட்லி பாத்திரத்தில் இட்லியாகவும் ஊற்றலாம்.

இல்லாவிட்டால் சிறு பவுல்களில் ஊற்றி இட்லி பாத்திரத்தில் வேக வைக்கலாம்.

சுவையான கொள்ளு இட்லி தயார்.