Health: பெண்களே மாதவிடாய் லேட்டாகுதா..? என்ன காரணமாக இருக்கும்...?

மன அழுத்தம், எடையில் ஏற்படும் ஏற்ற இறக்கம், பிசிஓடி பிரச்னை என பல மருத்துவ நிலைமைகள் இதற்கு காரணமாகக் கருதப்படுகின்றன.

மாதவிடாய்

மாதவிடாய் தாமதமாக வருவதற்கான முக்கிய காரணங்களில் ஒன்று மன அழுத்தம். நீங்கள் மன அழுத்தத்தில் இருக்கும்போது, ​​உங்கள் உடல் அதிக அளவு கார்டிசோலை உற்பத்தி செய்கிறது. இது, உங்கள் இனப்பெருக்க அமைப்பின் தினசரி செயல்பாடுகளை பாதிக்கும்.

விரைவான எடை அதிகரிப்பு அல்லது சடசடவென எடைக்குறைப்பு என எதுவாக இருந்தாலும், உங்கள் உடலில் உள்ள ஹார்மோன் சமநிலையை சீர்குலைத்து, மாதவிடாய் தாமதத்திற்கு வழிவகுக்கும்.

ஹைப்போ தைராய்டிசம் அல்லது ஹைப்பர் தைராய்டிசம் போன்ற தைராய்டு கோளாறுகள் உங்கள் மாதவிடாய் சுழற்சியை பாதிக்கலாம்.

பிசிஓஎஸ் பாதிப்பு ஹார்மோன் கோளாறு ஆகும், இது ஒழுங்கற்ற மாதவிடாய் மற்றும் தாமதமான அண்டவிடுப்பை ஏற்படுத்தும்.

நீங்கள் கருத்தடை மாத்திரைகளை எடுத்துக் கொண்டால், அவை உங்கள் மாதவிடாய் சுழற்சியை மாற்றி, மாதவிடாய் தாமதத்திற்கு வழிவகுக்கும்.

அத்தியாவசிய ஊட்டச்சத்துக்கள் இல்லாத உணவு உங்கள் மாதவிடாய் சுழற்சியை பாதிக்கலாம்.