PAK Vs SL: பங்காளிக்கு வந்த சோதனை..! இலங்கை வேலையை காட்டுமா? பாகிஸ்தானுக்கு அரையிறுதி டிக்கெட்?

ICC T20 World Cup PAK Vs SL: ஐசிசி டி20 உலகக் கோப்பையின் அரையிறுதி வாய்ப்பை உறுதி செய்வதற்கான முக்கியமான போட்டியில், இன்று பாகிஸ்தான் மற்றும் இலங்கை அணிகள் பலப்பரீட்சை நடத்த உள்ளன.

பாகிஸ்தான் - இலங்கை மோதல்

Source : सोशल मीडिया

ICC T20 World Cup PAK Vs SL:  பாகிஸ்தான் மற்றும் இலங்கை அணிகள் இடையேயான சூப்பர் 8 சுற்று போட்டி, இன்று இரவு 7 மணிக்கு பல்லேகலே மைதானத்தில் தொடங்குகிறது.

இங்கிலாந்தின் அபார வெற்றி:

ஐசிசி டி20 உலகக் கோப்பை பரபரப்பான இறுதிகட்டத்தை நெருங்கியுள்ளது. சூப்பர் 8 சுற்றின் நேற்றைய போட்டியில் இங்கிலாந்தை எதிர்கொண்ட நியூசிலாந்து அணி, முதலில் பேட்டிங் செய்து 7 விக்கெட்டுகள் இழப்பிற்கு 159 ரன்கள் மட்டுமே சேர்த்தது. இலங்கை நோக்கி களமிறங்கிய ஹாரி ப்ரூக் தலைமையிலான அணி, 19.3 ஓவர்களிலேயே இலக்கை எட்டி 4 விக்கெட்டுகள் வித்தியாசத்தில் வெற்றி பெற்றது. இதன் மூலம் சூப்பர் 8 சுற்றில் விளையாடிய 3 போட்டிகளிலும் வென்று, க்ரூப் 2வில் மட்டுமின்றி, நடப்பு உலகக் கோப்பையில் முதல் அணியாக அரையிறுதிக்கு தகுதி பெற்ற அணி என்ற பெருமையையும் இங்கிலாந்து பெற்றுள்ளது. நியூசிலாந்து அணியின் தோல்வியானது, பாகிஸ்தானிற்கான அரையிறுதி வாய்ப்பையும் சற்றே நீட்டித்துள்ளது.

டி20 உலகக் கோப்பை - சூப்பர் 8 சுற்று புள்ளிப்பட்டியல்

அணிகள்	போட்டிகள்	வெற்றி	தோல்வி	சமன்	புள்ளிகள்	ரன்ரேட்
இங்கிலாந்து	3	3	0	0	6	1.096
நியூசிலாந்து	3	1	1	1	3	1.390
பாகிஸ்தான்	2	0	1	1	3	-0.461
இலங்கை	2	0	2	0	0	-2.800

பாகிஸ்தானுக்கான வாய்ப்பு:

சூப்பர் 8 சுற்றில் நியூசிலாந்து மற்றும் பாகிஸ்தான் அணிகளுக்கு இடையேயான போட்டி மழையால் கைவிடப்பட்டது. இதனால் இரு அணிகளுக்கும் தலா ஒரு புள்ளி வழங்கப்பட்டது. இதையடுத்து இந்த சுற்றின் மூன்று போட்டிகளையும் விளையாடி முடித்துள்ள நியூசிலாந்து அணி ஒரு வெற்றி, ஒரு தோல்வியுடன் மொத்தம் 3 புள்ளிகளை பெற்று, வலுவான ரன்ரேட்டுடன் இரண்டாவது இடத்தில் நீடிக்கிறது. அதேநேரம், பாகிஸ்தான் அணிக்கு இன்னும் ஒரு போட்டி மீதமுள்ளது. இலங்கை அணிக்கு எதிரான இன்றைய போட்டியில் மிகப்பெரிய வெற்றியை பதிவு செய்தால், அரையிறுதிக்கு செல்வதற்கான வாய்ப்பு உள்ளது.

இலங்கை உடன் பாகிஸ்தான் பலப்பரீட்சை

பல்லேகலே மைதானத்தில் இரவு 7 மணிக்கு தொடங்கும் போட்டியில் பாகிஸ்தான் மற்றும் இலன்கை அணிகள் பலப்பரீட்சை நடத்த உள்ளன. இந்த ஐசிசி உலகக் கோப்பையை இந்தியாவுடன் இணைந்த்து நடத்தும் இலங்கை, லீக் சுற்றில் ஆதிக்கம் செலுத்திய நிலையில், சூப்பர் 8 சுற்றில் இதுவரை விளையாடிய இரண்டு போட்டிகளிலும் தோல்வியுற்று, அரையிறுதி வாய்ப்பை இழந்தது. இதனால், கடைசி போட்டியிலாவது ஆறுதல் வெற்றி பெறும் முனைப்பில் இன்றைய போட்டியில் களமிறங்குகிறது. அதேநேரம், அரையிறுதி போட்டிக்கு முன்னேற இன்றைய போட்டியில் கட்டாயம் வெற்றி பெற வேண்டும் என்ற சூழலில், அதுவும் ஒரு பிரமாண்ட வெற்றியை குறிவைத்து பாகிஸ்தான் அணி களமிறங்க உள்ளது.

பாகிஸ்தானுக்கான வாய்ப்புகள்:

இன்றைய போட்டியில் பாகிஸ்தான் அணி வெற்றி பெற்றால், 3 புள்ளிகளுடன் உள்ள நியூசிலாந்து அணியை சமன் செய்யும். ஆனால், சாண்ட்னர் தலைமையிலான அணி ரன்ரேட்டில் வலுவாக உள்ளதால், அவர்களை பின்னுக்கு தள்ளி அரையிறுதி வாய்ப்பை பெற, சல்மான் அலி அகாவின் அணி குறிப்பிட்ட கணக்கீடுகளின் அடிப்படையில் வெற்றி பெற வேண்டியுள்ளது. அதன்படி

• பாகிஸ்தான் அணி முதலில் பேட்டிங் செய்தால் குறைந்தபட்சம் 65 ரன்கள் வித்தியாசத்தில் வெற்றி பெற வேண்டும்
• பாகிஸ்தான் அணி இரண்டாவதாக பேட்டிங் செய்தால் இலங்கையால் நிர்ணயிக்கப்பட்ட இலக்கை 13 ஓவர்களில் சேஸ் செய்ய வேண்டும்
• குறிப்பாக இலங்கை அணியை பாகிஸ்தான் 100 ரன்கள் அளவிற்குள் கட்டுப்படுத்த வேண்டும் 

மேற்குறிப்பிடப்பட்ட கணக்கீடுகளை பூர்த்தி செய்து நியூசிலாந்தை விட சிறந்த ரன் ரேட்டை பெற்று,  பாகிஸ்தான் அணி அரையிறுதிக்கு முன்னேறுமா? என்பதை பொறுத்து இருந்து தான் பார்க்க வேண்டும்.