Salaar Teaser : டீசரில் இதை கவனித்தீர்களா? கே.ஜி.எஃப் யுனிவர்ஸில் ஐக்கியமாகிறதா சலார்?

Salaar Teaser : சலார் முதல் பாகம் வருகிற செப்டம்பர் 28 ஆம் தேதி தெலுங்கு, கன்னடம், மலையாளம், தமிழ் மற்றும் ஹிந்தி ஆகிய மொழிகளில் வெளியாகவுள்ளது.

பிருத்விராஜ் - பிரபாஸ்

முன்பு வெளியான தகவலின் படி, இன்று காலை சலார் முதல் பாகத்தின் டீசர் வெளியானது. எடுத்தவுடன் வரும் வயதான ஒருவர், “சிங்கம், சிறுத்தை, புலி, யானை எல்லாம் ஆபத்தானதுதான்.. ஆனால் ஜுராசிக் பார்க்கில் இல்லை..” என ஆங்கிலத்தில் மாஸ் வசனம் பேசுகிறார்.

கே.ஜி.எஃப்பில் பார்த்த அதே டார்க் டோன் இதிலும் காட்சிப்படுத்தப்பட்டு இருக்கிறது. பெரிய பெரிய துப்பாக்கிகளுடன் அங்கும் இங்கும் ஓடுகிறது ஒரு கூட்டம்.

அப்போது மாஸ் என்ட்ரி கொடுக்கிறார் பிரபாஸ். மற்றவர்களை புரட்டி போடும் கதாநாயகனின் முகத்தை கடைசி வரை காட்டவில்லை.

பின் இறுதியில் வருகிறார் பிருத்திவிராஜ் சுகுமாறன். இப்படத்தில் இவர் வில்லனா? அல்லது ஹீரோவின் தோழனா? என்பது தெரியவில்லை.

இப்படம் வருகிற செப்டம்பர் 28 ஆம் தேதி தெலுங்கு, கன்னடம், மலையாளம், தமிழ் மற்றும் ஹிந்தி ஆகிய மொழிகளில் வெளியாகவுள்ளது

இப்படம் கே.ஜி.எஃப்பின் க்ராஸ் ஓவர் என்றும், அப்படத்தின் இரண்டாம் பாகத்தில் வரும் ஃபர்மான்தான் சலார் பிரபாஸ் என்றும் பேசப்பட்டது. சலாரின் டீசரை பார்த்த பின் கண்டிப்பாக சலாருக்கும் கே.ஜி.எஃப்பிற்கும் ஏதாவது சம்மந்தம் இருக்கும் என்பது பாதி உறுதியாகிவிட்டது.