Naa ready decoded: ’ தேள் கொடுக்கு சிங்கத்த சீண்டாதப்பா..’ ரோலெக்ஸை சீண்டும் லியோ! வெளியானது ‘நான் ரெடி’ பாடல்!

வைப் மெட்டிரியலாக உருவாகியுள்ள ‘நான் ரெடி’ பாடல் விஜய் ரசிகர்களை சந்தோஷ கடலில் மூழ்கடித்துள்ளது.

நான் ரெடி

லோகேஷ் கனகராஜ் இயக்கத்தில் விஜய், சஞ்சய் தத், த்ரிஷா உள்ளிட்ட பல்வேறு நட்சத்திரங்கள் நடித்துள்ள திரைப்படம் லியோ.இன்று விஜய்யின் பிறந்தநாளை அடுத்து லியோ திரைப்படத்தின் முதல் பாடல் ‘ நான் ரெடி’ என்ற பாடல் வெளியாகும் என்ற தகவல் 20 ஆம் தேதி ப்ரோமோவுடன் வெளியானது.

இதை அடுத்து இன்று மாலை 6:30 மணிக்கு இப்பாடல் வெளியானது. அனிருத் இசையமைக்க விஜய் மற்றும் அசல் கோளாறு இப்பாடலைப் பாடியுள்ளனர். இப்பாடலை உற்று கேட்கையில் வெறித்தனம் மற்றும் ஜோர்த்தால பாடல் நினைவுக்கு வருகிறது.

இப்பாடலில் வரும் விஜய்யின் கெட்-அப்பும் சிகரெட் பிடிக்கும் விதமும் கில்லி, திருமலை விஜய்யை ஞாபகப்படுத்துகிறது.

இப்பாடல் வரிகளைக் கொண்டு பார்க்கையில் ரோலெக்ஸ், சந்தனம் கதாப்பாத்திரங்கள் போன்று போதை பொருட்களோடு தொடர்புடையவராக லியோ இருப்பார் என்பது ஊர்ஜிதமாகிவிட்டதாக நெட்டிசன்கள் மீம்ஸ் போட்டு வருகின்றனர்.

இதில் வரும் ’ தேள் கொடுக்கு சிங்கத்த சீண்டாதப்பா..’ என்ற வரிகள் லியோ, ரோலெக்ஸை சீண்டும் விதத்தில் அமைந்துள்ளது.

வைப் மெட்டிரியலாக உருவாகியுள்ள இப்பாடல் விஜய் ரசிகர்களை சந்தோஷ கடலில் மூழ்கடித்துள்ளது.