Atlee Interview : ‘விஜய் அண்ணாவும் ஷாருக் சாரும் பிடிவாதம் பிடித்தவர்கள்..’ ஜவான் சிறப்பு பேட்டியில் அட்லீ ஓபன் டாக்!

Atlee Interview : “விஜய் அண்ணாவும் ஷாருக்கான் சாரும் குழந்தை போன்றவர்கள். வேலை என்று வரும் போது, இருவரும் பிடிவாதம் பிடித்தவர்கள், எப்போதும் கவனத்துடன் இருப்பார்கள்” - அட்லீ

இயக்குநர் அட்லீ

ஷாருக்கான் நடிப்பில் ஜவான் படம் மூலம் பாலிவுட்டில் அறிமுகமாகியுள்ளார் அட்லீ. இப்படம் பெரும் எதிர்ப்பார்ப்புகளுக்கு மத்தியில் இன்று ( செப்டம்பர் 7 ஆம் தேதி) வெளியாகியுள்ளது.

அட்லீயும் அவர் மனைவியும் ஜவான் டீ ஷர்ட் அணிந்து, படத்தின் முதல் நாள் முதல் காட்சியை காண சென்றுள்ளனர்.

படத்தின் ரிலீஸையொட்டி சிறப்பு பேட்டி கொடுத்துள்ளார் அட்லீ. அதில் அவர் கூறிய முக்கியமான விஷயங்களை பற்றி பார்க்கலாம்.

“ஜவானின் ரிலீஸிற்கு பின், அடுத்த 4 மாதங்களுக்கு ப்ரேக் எடுக்க போகிறேன். என் குட்டி மகனுடன் நேரத்தை செலவிட உள்ளேன். அதன் பின் அடுத்த படம் குறித்து முடிவு செய்ய திட்டமிட்டுள்ளேன்.” - அட்லீ

“விஜய் அண்ணாவும் ஷாருக்கான் சாரும் குழந்தை போன்றவர்கள். வேலை என்று வரும் போது, இருவரும் பிடிவாதம் பிடித்தவர்கள், எப்போதும் கவனத்துடன் இருப்பார்கள். இருப்பினும் அவர்களுக்குள் குழந்தை குணம் இருக்கிறது” - அட்லீ

“இதை தாண்டி அவர்களின் பணிவான குணத்தை கண்டு வியக்கிறேன். இது அவர்களை மற்றவர்களிலிருந்து வேறுபடுத்தி காட்டுகிறது” - அட்லீ