Ind vs Zim: கதம் கதம்... சேப்பாக்கில் ஜிம்பாப்வேயை ஊதி தள்ளிய இந்தியா! வெஸ்ட் இண்டீஸ் அணியுடன் நாக் அவுட்டுக்கு ரெடி

20 ஓவர்கள் முழுமையாக ஆடிய ஜிம்பாப்வே அணி 20 ஓவர்கள் முடிவில் 6 விக்கெட்டுகளை இழந்து 184 ரன்கள் மட்டுமே எடுக்க முடிந்தது, இதன் மூலம் இப்போட்டியில் இந்திய 72 ரன்கள் வித்தியாசத்தில் வெற்றி பெற்றது

இந்தியா vs ஜிம்பாப்வே

Source : Twitter

டி20 உலகக்கோப்பையில் ஜிம்பாப்வே அணிக்கு எதிரான சூப்பர் 8 போட்டியில் இந்திய அணி 72 ரன்கள் வித்தியாசத்தில் அபார வெற்றி பெற்று அரையிறுதிக்காக ரேசில் நீடிக்கிறது

இந்திய அணி ஆபார பேட்டிங்:

சென்னையில் நடந்த இப்போட்டியில் டாஸ் வென்ற ஜிம்பாப்வே அணி இந்திய அணியை பேட்டிங் செய்ய பணித்தது. அதன்படி முதலில் பேட்டிங் செய்த இந்திய அணிக்கு சஞ்சு சாம்சன் மற்றும் அபிஷேக் சர்மா ஆகியோர் நல்ல தொடக்கம் தந்தனர், இருவரும் முதல் விக்கெட்டுக்கு 48 ரன்கள் சேர்த்தனர், சாம்சன் 24 ரன்களிலும், அபிஷேக் சர்மா 55 ரன்கள் எடுத்தனர். அடுத்ததாக களமிறங்கிய இஷான் கிஷன் , சூரயக்குமார் யாதவ் ஆகியோரும் அதிரடியாக ஆடிஆட்டமிழந்தனர். 

இறுதிக்கட்டத்தில் , ஹார்திக் பாண்ட்யா மற்றும் திலக் வர்மா ஆகியோர் இணைந்து ருத்ர தாண்டவம் ஆடினர், இருவரும் கடைசி மூன்று ஓவர்களில் 69 ரன்கள் அடித்து நொறுக்கினர்,ஹார்டிக் 23 பந்துகளில் 50 ரன்கள் எடுத்து ஆட்டமிழக்காமல் இருந்தார். மறுபுறம், . திலக் 16 பந்துகளில் 44 ரன்கள் எடுத்தார். ஹார்டிக் மற்றும் திலக் இருவரும் சேர்ந்து 8 சிக்ஸர்களையும் 5 பவுண்டரிகளையும் அடித்தனர். இந்திய அணி 20 ஓவர்கள் முடிவில் 4 விக்கெட் இழப்புக்கு 256 ரன்கள் குவித்தது, 

ஜிம்பாப்வே தோல்வி:

இமாலய இலக்கை நோக்கி ஆடிய ஜிம்பாப்வே அணிக்கு மருமணி மற்றும் ரையன் பென்னட் நிதானமான தொடக்கத்தை அளித்தனர், இருவரும் முதல் விக்கெட்டுக்கு 44 ரன்கள் சேர்த்தனர், ஆனால் பெரிய இலக்கு என்பதால் தேவைப்படும் ரன்ரேட் என்பது முதல் 10 ஓவர்களுக்குள் 18 ரன்களை கடந்ததால் இலக்கு என்பது எட்ட முடியா தூரத்தில் இருந்தது. அந்த ரையன் பென்னட் மட்டும் தனி ஆளாக நின்று போராடினார். ஆனாலும் ஜிம்பாப்வே அணியால் வெற்றி இலக்கை எட்ட முடியவில்லை.

20 ஓவர்கள் முழுமையாக ஆடிய ஜிம்பாப்வே அணி 20 ஓவர்கள் முடிவில் 6 விக்கெட்டுகளை இழந்து 184 ரன்கள் மட்டுமே எடுக்க முடிந்தது, இதன் மூலம் இப்போட்டியில் இந்திய 72 ரன்கள் வித்தியாசத்தில் வெற்றி பெற்றது. ஜிம்பாப்வே அணியில் அதிகப்பட்சமாக பென்னட் ஆட்டமிழக்காமல் 97 ரன்கள் எடுத்தார், இந்திய அணி தரப்பில் அர்ஷ்தீப் சிங் 3 விக்கெட்டும், வருண் சக்கரவர்த்தி, அக்சர் பட்டேல், துபே தலா 1 விக்கெட் எடுத்தனர். இந்த தோல்வியின் மூலம் டி20 உலககோப்பை தொடரிலிருந்து ஜிம்பாப்வே அணி வெளியேறியது.

இந்தியா vs வெஸ்ட் இண்டீஸ்: 

இன்றைய போட்டியில் வெற்றி பெற்றதன் மூலம் இந்திய அணி அரையிறுதி வாய்ப்பை தக்கவைத்துள்ளது. வரும் ஞாயிறன்று வெஸ்ட் இண்டீஸ் அணிக்கு நடைப்பெறும் போட்டி நாக் போட்டியாக அமையவுள்ளது. அந்தப் போட்டியில் வெற்றிப்பெறும் அணி அரையிறுதிக்கு தகுதிப்பெறும் என்பது குறிப்பிடத்தக்கது.