TN Rain News Today LIVE : சீர்காழியில் முதலமைச்சர் மு.க.ஸ்டாலின் நாளை நேரில் ஆய்வு

Tamil Nadu Rain Update LIVE: சென்னையின் பல்வேறு பகுதிகளில் அதிகாலையிலும் இடியுடன் கூடிய கனமழை பெய்து வருகிறது.

Background

Tamil Nadu Rain Update LIVE: 

நேற்று வங்கக்கடலில் நிலவிய ஆழ்ந்த காற்றழுத்த தாழ்வு பகுதி  இன்று காற்றழுத்தத் தாழ்வுப் பகுதியாக வலுவிழந்து வட தமிழகம், புதுவை மற்றும் அதனை ஒட்டியுள்ள பகுதிகளில் நிலவுகிறது.

கனமழை :

இதன் காரணமாக நேற்று காலை 6 மணிமுதல் சென்னை மற்றும் அதனை சுற்றியுள்ள பகுதிகளில் மழை பெய்யவில்லை. மழை இல்லாத காரணத்தினால் சாலையில் தேங்கியிருந்த தண்ணீர் முழுவதும் வெளியேற்றப்பட்டு, வாகன ஓட்டிகள் சிரமமில்லாமல் வாகனங்களை இயக்கினர். பொதுமக்களில் அன்றாட வாழ்க்கையும் இயல்பு நிலைக்கு திரும்பியது. இந்தநிலையில், நேற்று இரவு முழுவதும் சென்னையில் மழையின் தாக்கம் மீண்டும் தொடங்கியது. நேற்று இரவு தொடங்கிய கனமழை விட்டு விட்டும், அதிகாலை நேரத்தில் தொடர்ந்து பெய்தும் வந்தது. இதனால் சென்னையில் உள்ள சாலைகளில் மீண்டும் தண்ணீர் தேங்கி குளம்போல் காட்சி அளிக்கிறது. 

சென்னையின் பல்வேறு பகுதிகளில் அதிகாலையிலும் இடியுடன் கூடிய கனமழை பெய்து வருகிறது. அதன்படி, பெருங்குடி, கிண்டி, சைதாப்பேட்டை, தேனாம்பேட்டை, ஆயிரம்விளக்கு, ராயப்பேட்டை உள்ளிட்ட பல்வேறு பகுதிகளிலும் தற்போதுவரை கனமழை நீடித்து வருகிறது. 

மழை நிலவரம் : 

13.11.2022: தமிழ்நாடு, புதுவை மற்றும் காரைக்கால் பகுதிகளில் அனேக இடங்களில் இடிமின்னலுடன் கூடிய லேசானது முதல்  மிதமான மழை பெய்யக்கூடும். நீலகிரி, கோயம்புத்தூர், திருப்பூர், திண்டுக்கல், தேனி, மதுரை, விருதுநகர், தென்காசி, தூத்துக்குடி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளது.

14.11.2022: தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடிமின்னலுடன் கூடிய லேசானது முதல்  மிதமான மழை பெய்யக்கூடும்.

15.11.2022: தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடிமின்னலுடன் கூடிய லேசானது முதல்  மிதமான மழை பெய்யக்கூடும். 

16.11.2022: தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல்  மிதமான மழை பெய்யக்கூடும்.

 

சென்னை :

அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடிமின்னலுடன் கூடிய மிதமான மழை பெய்யக்கூடும் ஓரிரு இடங்களில் கனமழை பெய்யக்கூடும். அதிகபட்ச வெப்பநிலை 29-30 டிகிரி செல்சியஸ் மற்றும் குறைந்தபட்ச வெப்பநிலை 24  டிகிரி செல்சியஸ் அளவில் இருக்கக்கூடும். அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடிமின்னலுடன் கூடிய மிதமான மழை பெய்யக்கூடும். அதிகபட்ச வெப்பநிலை 30 டிகிரி செல்சியஸ் மற்றும் குறைந்தபட்ச வெப்பநிலை 24-25  டிகிரி செல்சியஸ் அளவில் இருக்கக்கூடும்.

12:00 PM (IST)  •  13 Nov 2022

சீர்காழியில் முதலமைச்சர் மு.க.ஸ்டாலின் நாளை நேரில் ஆய்வு

கனமழையால் பாதிக்கப்பட்டுள்ள சீர்காழியில் முதலமைச்சர் மு.க.ஸ்டாலின் நாளை நேரில் சென்று ஆய்வு செய்ய உள்ளார். 

10:41 AM (IST)  •  13 Nov 2022

அடுத்த 3 மணிநேரத்தில் 28 மாவட்டங்களில் மழை பெய்யும் - வானிலை மையம் தகவல்

அடுத்த 3 மணி நேரத்திற்குள் 28 மாவட்டங்களில் ஆங்காங்கே இடி, மின்னலுடன் கூடிய மிதமான மழைக்கு வாய்ப்புள்ளதாக சென்னை வானிலை மையம் தகவல் தெரிவித்துள்ளது. அதன்படி சென்னை, காஞ்சிபுரம், திருவள்ளூர், செங்கல்பட்டு, ராணிப்பேட்டை, வேலூர், திருவண்ணாமலை, கள்ளக்குறிச்சி, விழுப்புரம், கடலூர், பெரம்பலூர், அரியலூர், மதுரை, ராமநாதபுரம் மற்றும் டெல்டா மாவட்டங்கள் உள்ளிட்ட 28 மாவட்டங்களில் மழை பெய்ய வாய்ப்பு உள்ளது. 
 

07:31 AM (IST)  •  13 Nov 2022

செம்பரம்பாக்கம் நீர்வரத்து 2,200 கனஅடி..!

காஞ்சிபுரம் மாவட்டம் செம்பரம்பாக்கம் ஏரிக்கான நீர்வரத்து 2,200 கன அடியாக உள்ளது. இதையடுத்து ஏரியில் இருந்து திறக்கப்படும் நீரின் அளவு 1, 000 கன அடியாக நீடிக்கிறது. 

07:27 AM (IST)  •  13 Nov 2022

TN Rain News Today LIVE : சென்னையில் மீண்டும் மீண்டும் மழை..!

சென்னையின் பல்வேறு பகுதிகளில் அதிகாலையிலும் இடியுடன் கூடிய கனமழை பெய்து வருகிறது. அதன்படி, பெருங்குடி, கிண்டி, சைதாப்பேட்டை, தேனாம்பேட்டை, ஆயிரம்விளக்கு, ராயப்பேட்டை உள்ளிட்ட பல்வேறு பகுதிகளிலும் தற்போதுவரை கனமழை நீடித்து வருகிறது. 

07:24 AM (IST)  •  13 Nov 2022

TN Rain News Today LIVE : சென்னையில் மழை தொடரும்.. எச்சரிக்கும் வானிலை மையம்!

சென்னையில் மழை தொடரும் என்றும், மயிலாடுதுறை, நாகை, தஞ்சை, திருவாரூர் ஆகிய மாவட்டங்களில் அடுத்த 3 மணிநேரத்தில் இடி மின்னலுடன் மழைக்கு வாய்ப்பு இருப்பதாகவும் சென்னை வானிலை மையம் தகவல் தெரிவித்துள்ளது.