மக்களே கவனம்! 40 டிகிரியை தொடும் வெப்பநிலை:அதிக வெயில் எங்கு தெரியுமா?

Tamilnadu Weather: தமிழ்நாட்டில் அதிகபட்ச வெப்பநிலையாக கரூர் பரமத்தி மற்றும் மதுரை (விமான நிலையம்) ஆகிய இடங்களில் 37.5° செல்சியஸ் அளவு பதிவாகியுள்ளதாக வானிலை மையம் தெரிவித்துள்ளது.

வெயில் ( செயற்கை நுண்ணறிவு படம் )

மன்னார் வளைகுடா மற்றும் அதனை ஒட்டிய பகுதிகளில் ஒரு வளி மண்டல கீழடுக்கு சுழற்சி நிலவுகிறது. மேலும், தென்னிந்திய பகுதிகளின் மேல், வளி மண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது என வானிலை மையம் தெரிவித்துள்ளது

கடந்த 24 மணி நேரத்திற்கான மழை நிலவரம் : மழை நிலவரத்தை பொறுத்தவரையில், தென்தமிழகத்தில் ஓரிரு இடங்களில் மழை பெய்துள்ளது. வடதமிழகம், புதுவை மற்றும் காரைக்கால் பகுதிகளில் வறண்ட வானிலை நிலவியது. முக்கடல் அணை பகுதியில் (கன்னியாகுமரி) 1 செ.மீ மழை அளவு பெய்திருக்கிறது

வெப்பநிலை நிலவரத்தை பொறுத்தவரையில்,  அதிகபட்ச வெப்பநிலை :கரூர் பரமத்தி மற்றும் மதுரை (விமான நிலையம்) 37.5° செல்சியஸ் அளவும், குறைந்தபட்ச வெப்பநிலை (சமவெளிப்பகுதிகளில்)- கரூர் பரமத்தி: 20.0° செல்சியஸ் அளவு பதிவாகியுள்ளது.

27-03-2025: மேற்கு தொடர்ச்சி மலை மற்றும் அதனை ஒட்டிய மாவட்டங்களில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். இதர தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும் என வானிலை மையம் தெரிவித்துள்ளது.

28-03-2025: மேற்கு தொடர்ச்சி மலை மற்றும் அதனை ஒட்டிய மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். இதர தமிழகம்; புதுவை மற்றும் காரைக்கால் பகுதிகளில் வறண்ட வானிலை நிலவக்கூடும். சில இடங்களில் 40 டிகிரி செல்சியஸ் அளவு இருக்கும் என வானிலை மையம் தெரிவித்துள்ளது. சென்னையில் இன்று மற்றும் நாளை ( மார்ச் 26, மார்ச் 27 ) வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34-35 டிகிரி செல்சியஸ் ஒட்டியும், குறைந்தபட்ச வெப்பநிலை, 26 டிகிரி செல்சியஸ் ஒட்டியும் இருக்க கூடும் என வானிலை மையம் தெரிவித்துள்ளது.