2 நாள் வெயில் கொளுத்தப்போகுது: அதிக வெயில் எங்கே தெரியுமா?

Heat Wave Alert: தமிழ்நாட்டில் கடந்த 24 மணி நேரத்தில் அதிகபட்ச வெப்பநிலை வேலூரில் 40.9 டிகிரி செல்சியஸ் பதிவாகியுள்ளதாக வானிலை மையம் தெரிவித்துள்ளது.

தமிழ்நாட்டில் கொளுத்தும் வெயில்

கடந்த 24 மணி நேரத்தில் அதிகபட்ச வெப்பநிலை வேலூரில், 40.9° செல்சியஸ் வெப்பநிலையும், குறைந்தபட்ச வெப்பநிலை (சமவெளிப்பகுதிகளில்):- கரூர் பரமத்தி: 21.0 செல்சியஸ் வெப்பநிலையும் பதிவாகியுள்ளது. கடந்த 24 மணி நேரத்தில் தமிழகத்தில் ஓரிரு இடங்களில் அதிகபட்ச வெப்பநிலை 2-3 டிகிரி செல்சியஸ் உயர்ந்துள்ளது. ஏனைய தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலையில் பொதுவாக பெரிய மாற்றம் ஏதுமில்லை.

இன்று மற்றும் நாளை தமிழகத்தில் ஒருசில இடங்களில் அதிகபட்ச வெப்பநிலை 1-2 டிகிரி செல்சியஸ் வரை படிப்படியாக உயரக்கூடும். 31.03-2025 முதல் 02-04-2025 வரை: தமிழகத்தில் ஒருசில இடங்களில் அதிகபட்ச வெப்பநிலை சற்று குறையக்கூடும். அதிக வெப்பநிலையால், அதிக ஈரப்பதமும் இருக்கும் நிலையில், தமிழகத்தில் ஒரு சில பகுதிகளில் அசௌகரியம் ஏற்படலாம்.