Today Headlines: உள்ளூர் டூ உலக செய்திகள் வரை உங்களுக்காக.. காலை தலைப்பு செய்திகள் இதோ!

Today Headlines: கடந்த 24 மணிநேரத்தில் நடைபெற்ற பல்வேறு முக்கிய நிகழ்வுகளை தலைப்புச்செய்திகளாக கீழே காணலாம்.

இன்றைய தலைப்புச்செய்திகள்

தமிழ்நாடு:

• தமிழ்நாடு அரசு கூடுதலாக கடன் வாங்கவில்லை; 9 ஆண்டுகளில் பிரதமர் மோடி ரூ. 100 லட்சம் கோடி கடன் - சபாநாயகர் அப்பாவு பேட்டி
• என்.எல்.சி விவகாரத்தில் வன்முறையில் ஈடுபட்டால், பொது அமைதிக்கு குந்தகம் விளைவித்தால் கடும் நடவடிக்கை - அமைச்சர் தங்கம் தென்னரசு எச்சரிக்கை
• சென்னை அண்ணா அறிவாலயத்தில் திமுக இளைஞரணி அமைப்பாளர், துணை அமைப்பாளர் அறிமுக கூட்டம் - தமிழ்நாடு முதலமைச்சர் மு.க.ஸ்டாலின் சிறப்புரை
• ஆயிரம் ஆண்டுகளில் தமிழ் மக்களுக்கு கிடைக்காத பெருமையை 9 ஆண்டுகளில் மோடி அளித்துள்ளார் - பாஜக தலைவர் அண்ணாமலை
• கரூரில் வருமானவரித்துறை அதிகாரிகள் மீது தாக்குதல் நடத்திய 19 பேர் பிணை ரத்து - உயர்நீதிமன்ற கிளை உத்தரவு
• மணிப்பூர் செல்லும் தமிழ்நாட்டைச் சேர்ந்த கனிமொழி, திருமாவளவன் ஆகிய உள்ளிட்ட 20 எம்.பிக்கள் அடங்கிய குழுவின் பட்டியலை இந்தியா எனும் எதிர்க்கட்சிகளின் கூட்டணி வெளியிட்டுள்ளது.
• பாமக மண்ணைக் காக்கும் போராட்டம் தொடரும் என பா.ம.க. நிறுவனர் ராமதாஸ் கட்சியினர் மீதான தடியடிக்கு கண்டனம்
• அனைத்து சாதியினரும் அர்ச்சகர் ஆகலாம் என தனி நீதிபதி உத்தரவுக்கு இடைக்கால தடை விதிக்க முடியாது என சென்னை உயர் நீதிமன்றம் உத்தரவிட்டுள்ளது.
• மகளிர் உரிமைத் தொகை; ஆகஸ்ட் 1 முதல் மீண்டும் விண்ணப்பங்கள் விநியோகம்

இந்தியா:

• உலகமெங்கும் வாழும் புலிகளை பாதுகாக்க ஒவ்வொரு ஆண்டும் ஜூலை 29-ம் தேதி சர்வதேச புலிகள் தினமாக கொண்டாடப்படுகிறது. 
• மணிப்பூர் நிலைமையை ஆராய்வதற்கு இந்தியா கூட்டணி கட்சிகளின் 20 எம்பிக்கள் இன்று மணிப்பூர் பயணம்
• ராமேஸ்வரம் வந்தார் அமித்ஷா; கூட்டணி கட்சி தலைவர்கள் புறக்கணிப்பு
• அதிகார பேராசையால் பெண்களின் கவுரவத்துடன் விளையாடுகிறது பாஜக - ராகுல் காந்தி குற்றச்சாட்டு
• பாஜக தமிழக தலைவர் அண்ணாமலை ஒரு டிவீட் போட்டாலே தமிழக அரசில் பூகம்பம் வெடிக்கிறது என, உள்துறை அமைச்சர் அமித் ஷா (BJP Padayatra) பேசியுள்ளார்.
• ஜூலை 20ஆம் தேதி தொடங்கிய நாடாளுமன்ற மழைக்காலக் கூட்டத்தொடர், மணிப்பூர் விவகாரத்தால் முடங்கி போயுள்ளது.

உலகம்: 

• சிங்கப்பூரில் போதைப்பொருள் கடத்தல் வழக்கில் பெண்ணுக்கி தூக்குத்தண்டனை நிறைவேற்றம்.
• முல்லைத்தீவு புதைகுழி தொடர்பாக சர்வதேச அளவில் விசாரணை நடத்த வேண்டும் - இலங்கையில் தமிழர்கள் முழு அடைப்பு போராட்டம்.
• அரிசி ஏற்றுமதி தடையில் இருந்து சிங்கப்பூருக்கு விலக்கு அளிக்க இந்திய அரசிடம் கோரிக்கை விடுத்துள்ளனர்.
• பாகிஸ்தான் நாட்டிற்கு ரூ. 19,600 கோடி கடன் வழங்கியது சீனா. நைஜர் நாட்டில் ஆட்சியை கைப்பற்றிய ராணுவம் - ஐ.நா சபை கடும் கண்டனம்

விளையாட்டு: 

• இந்தியா - வெஸ்ட் இண்டீஸ் இடையிலான 2வது ஒருநாள் போட்டி இன்று தொடக்கம்.
• ஸ்பெயின் ஆக்கி தொடர்: இந்தியா-இங்கிலாந்து ஆட்டம் 'டிரா' ஆனது.
• ஜப்பான் ஓபன் பேட்மிண்டன் - காலிறுதியில் இந்திய வீரர் பிரனாய் தோல்வி