Rashmika Mandanna: என்னோட பிட்னஸ் ரகசியம் இதுதான்.. ராஷ்மிகா மந்தனா அள்ளித்தூவிய டிப்ஸ்!!

உங்களது வாழ்க்கையில் சத்தான உணவுகள், உடற்பயிற்சிகள் மற்றும் எப்போதும் சருமத்திற்கும், தலைமுடிக்கும் எந்த கெமிக்கல் இல்லாதப் பொருள்களையும் உபயோகிப்பது இல்லை என நடிகை ராஷ்மிகா மந்தணா தெரிவித்துள்ளார்.

ராஷ்மிகா மந்தனா

தென்னிந்திய நடிகையும், மாடல் அழகியுமான ராஷ்மிகா மந்தனா எந்த வேலை இருந்தாலும் தினமும் உடற்பயிற்சி செய்வதோடு, உணவு முறைகளை முறையாக பின்பற்றுவதால் தான் உடலை பிட்னாகவும், ஸ்லிம்மாகவும் வைத்திருக்க முடிகிறது என இன்ஸ்டாகிராமில் புகைப்படத்துடன் பதிவிட்டுள்ளார்.

கர்நாடக மாநிலம் குடகு மாவட்டத்தில் பிறந்து, தென்னிந்திய நடிகையாகவும், மாடல் அழகியாகவும் ரசிகர்கள் மத்தியில் வலம் வருகிறார் நடிகை ராஷ்மிகா மந்தணா. சிறு வயதில் இருந்து நடிப்பில் ஆர்வம் கொண்ட இவர், கடந்த 2016 ஆம் ஆண்டு கிரீக் பார்ட்டி திரைப்படத்தின் மூலம் திரையுலகிற்கு அறிமுகமாகியிருந்தாலும், தெலுங்கு படமான கீதா கோவிந்தம்  திரைப்படத்தில் தான் பிரபலமானார். இப்படத்தைத் தொடர்ந்து பல சினிமா வாய்ப்புகள் இவருக்கு கிடைத்துவருகிறது. தமிழ் சினிமாவில் கார்த்திக் நடித்த சுல்தான் படத்தில் அறிமுகமானவர். இத்தனைப் படங்கள் நடிததிருந்தாலும் சமீபத்தில் புஷ்பா படத்தின் நடித்ததன் மூலம் உலகம் முழுவதும் பிரபலமாகியுள்ளார் நடிகை ராஷ்மிகா.

• 

இவர் பார்ப்பதற்கு கியூட் ஆக இருப்பதோடு, தனது உடல் எடையை எப்போதும் கட்டுக்குள் வைத்திருக்க முயற்சிப்பாராம். குறிப்பாக எத்தனை பிஸியான நேரத்திலும் உடல் பயிற்சி செய்யும் பழக்கத்தை ஒரு போதும் இவர் கைவிட்டது இல்லை என்று கூறப்படுகிறது. இவரது இச்செயல் மற்ற திரைத்துறையில் இருக்கும் நிறைய பெண்களுக்கு ஊக்கமளிக்கும் விதமாக அமைகிறது என்றே கூறலாம். இந்நிலையில் தான் தனது இன்ஸ்டாகிராம் பக்கத்தில் தான் என்ன உடற்பயிற்சி செய்கிறேன். இதற்காக என்னவெல்லாம் செய்கிறேன் என்பது குறித்த பதிவு ஒன்றை வெளியிட்டுள்ளார்.

அதில், “ இந்தப்படத்தை வெளியிட எனக்கு அனுமதி இருக்கிறதா? என்று எனக்குத் தெரியவில்லை. உங்களில் பலருக்கு இதுபிடிக்கவும் செய்யாது ஆனால் உங்களது உடற்பயிற்சியின் இலக்குகளுக்கானத் திறவுகோல் என்பதால் இதனைப்பதிவிடுகிறேன் எனத் தெரிவித்துள்ளார். மேலும்  நீங்கள் உடற்பயிற்சியுடன், பிசியோ, உணவு முறை, உங்களது எண்ணம் போன்றவற்றை நீங்கள் தவறாமல் பின்பற்ற வேண்டும் என்று குறிப்பிட்டுள்ளார். இது உங்களுக்கு வேடிக்கையாக இருக்கும் ஆனால் என் அனுப்பவத்தில் இதனை நான் உணர்ந்துள்ளேன் எனவும் தெரிவித்துள்ளார்.

பொதுவாக ராஷ்மிகா உடலை பிட்டாகவும், ஒல்லியாகவும் வைத்திருக்க அதிகம் விரும்புவதால் தினமும் காலை எழுந்ததும் குறைந்தபட்சம் ஒரு மணி நேரமாவது உடற்பயிற்சிகளுக்காக தன்னுடைய நேரத்தை ஒதுக்குகிறார். மேலும் குறைந்தபட்சம் 4 நாள்களாவது கிக்பாக்ஸிங், ஸ்கிப்பிங், டான்சிங், ஸ்பின்னிங், யோகா, வாக்கிங் போன்ற உடற்பயிற்சிகளை மேற்கொள்வதை வழக்கமாகக் கொண்டிருக்கிறார். இதோடு மூட்டுகளைவலிமைப்படுத்துவதற்கான ஹாஃப் நீலிங் பேண்ட் ரோஸ், புஷ்  அப் போன்ற பயிற்சிகளை மேற்கொள்கிறார் இதனால் எப்போதும் ஆரோக்கியமாகவும், உடலை பிட்னஸாகவும் வைத்திருக்கிறார்.

• 

இதோடு சத்தான உணவுகள் மற்றும் எப்போதும் சருமத்திற்கும், தலைமுடிக்கும் எந்த கெமிக்கல் பொருள்களையும் உபயோகிப்பது இல்லை எனவும் அவரே தெரிவித்துள்ளார்.  இவ்வாறு தன்னுடைய எப்போதும் பிட்டாக வைத்திருக்க முயலும் ராஷ்மிகா அனைவருக்கும் நல்ல எடுத்துக்காட்டாக உள்ளார். பல்வேறு மொழிகளில் பிஸியாக இருக்கும் ராஷ்மிகா, விஜய்யுடன் இணைந்து நடிக்கவுள்ளார் என்ற தகவல் வெளியாகியுள்ளது.