![ABP Premium](https://cdn.abplive.com/imagebank/Premium-ad-Icon.png)
Britain Election Results | ஆட்சியிழக்கும் ரிஷி சுனக்!வெற்றி விளிம்பில் ஸ்டார்மர்!
பிரிட்டன் நாடாளுமன்ற தேர்தல் ஓட்டு எண்ணிக்கை விறுவிறுப்பாக நடந்து வரும் நிலையில், தொழிலாளர் கட்சி தொடர்ந்து முன்னிலை வகித்து வரும் சூழலில் தற்போது பெரும்பான்மையும் பெற்றுள்ளது. பிரதமர் ரிஷி சுனக்கின் கன்சர்வேட்டிவ் கட்சி பெரும் பின்னடைவை சந்தித்துள்ளது.
எனவே பிரிட்டனில் 14 ஆண்டுகளாக ஆட்சியில் இருந்த கன்சர்வேட்டிவ் கட்சியின் ஆட்சி முடிவுக்கு வந்துள்ளது. இங்கிலாந்தில் 650 உறுப்பினர்களை கொண்ட மக்களவைக்கான தேர்தலில், நேற்று வாக்குப்பதிவு நடைபெற்றது. அதில் பதிவான வாக்குகள் எண்ணும் பணி தீவிரமாக நடைபெற்று வருகிறது. தற்போதைய சூழலில் எதிர்க்கட்சியாக உள்ள தொழிலாளர் கட்சி 220-க்கும் மேற்பட்ட இடங்களில் முன்னிலை வகிக்கிறது. அதேநேரம், கடந்த 14 ஆண்டுகளாக ஆட்சியில் உள்ள பழமைவாத கட்சி வெறும் 30-க்கும் மேற்பட்ட இடங்களில் மட்டுமே முன்னிலை வகிக்கிறது. இதன் காரணமாக தேர்தல் கருத்து கணிப்புகளின்படி, ரிஷி சுனக் தலைமையிலான பழமைவாத கட்சி ஆட்சி அதிகாரத்தை இழப்பது உறுதியாகியுள்ளது.இதைத்தொடர்ந்து ரிஷி சுனக் தொழிலாளர் கட்சியை சேர்ந்த கெய்ர் ஸ்டார்மர்-க்கு வாழ்த்து தெரிவித்துள்ளார். மேலும் கன்சர்வேட்டிவ் கட்சியில் தோல்விக்கு தான் பொறுப்பேற்றுக்கொள்வதாகவும் அறிவித்துள்ளார்.
கடந்த 14 ஆண்டுகளாக பழமைவாத கட்சி இங்கிலாந்தில் ஆட்சியில் உள்ளது. இங்கிலாந்து நாடு ஐரோப்பிய யூனியனில் இருந்து விலகியபிறகு, முதல் பொதுத்தேர்தல் நடைபெற்றுள்ளது. இதன் முடிவுகள் மீதான எதிர்பார்ப்பு பன்மடங்காக நிலவும் சூழலில், பல்வேறு கருத்து கணிப்புகளின் முடிவுகளும் ஆளுங்கட்சிக்கு எதிராகவே அமைந்தன. அதன்படி, 2010 ல் கார்டன் பிரவுன் பதவியில் இருந்து விலகிய பிறகு, தொழிலாளர் கட்சியை சேர்ந்த முதல் பிரதமராக கெய்ர் ஸ்டார்மர் வெற்றி பெறுவார் என்று நம்பப்படுகிறது. சுமார் 410 இடங்களில் அக்கட்சி வெற்றி பெறும் என்றும் கூறப்படுகிறது. முழு முடிவுகள் இன்னும் சில மணி நேரங்களில் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது. மொத்தமுள்ள 650 தொகுதிகளில் 4 கோடியே 90 லட்சம் பேர் வாக்களிக்க தகுதி பெற்று இருந்தனர்.
அரசின் சிக்கனம், பிரெக்ஸிட் மற்றும் வாழ்க்கைச் செலவு நெருக்கடி போன்றவை, ஆட்சி மாற்றத்திற்கு முக்கிய காரணங்களாக இருக்கும் என கணிக்கப்பட்டுள்ளது. பழமைவாத கட்சியின் மீது பல்வேறு ஊழல் மற்றும் விதிமீறல் குற்றச்சாட்டுகளும் நிலவுகின்றன. கடந்த 14 ஆண்டு கால ஆட்சிக்காலத்தில் டேவிட் கேமரூன், தெரெசா மே, போரிஸ் ஜான்சன், லிஸ் ட்ரஸ் மற்றும் ரிஷி சுனக் என 5 பேர் பிரதமர் பதவியை வகித்துள்ளனர் என்பது குறிப்பிடத்தக்கது.
![Britain Election Results | ஆட்சியிழக்கும் ரிஷி சுனக்!வெற்றி விளிம்பில் ஸ்டார்மர்!](https://feeds.abplive.com/onecms/images/uploaded-images/2024/07/05/02c49ea7c937e2804cf601d4fda9d36d1720164660334200_original.jpeg?impolicy=abp_cdn&imwidth=470)
![Rahul Gandhi to Visit Hathras |எட்றா வண்டிய..!ஹத்ராஸுக்கு புறப்பட்ட ராகுல்..நேரில் ஆறுதல்](https://feeds.abplive.com/onecms/images/uploaded-images/2024/07/05/11ac2e02c6dedcbc09a654ef423b9e741720151363650572_original.png?impolicy=abp_cdn&imwidth=100)
![Namakkal woman bus fall video | பேருந்தில் இருந்து தவறி விழுந்த பெண்! பதறவைக்கும் CCTV காட்சி](https://feeds.abplive.com/onecms/images/uploaded-images/2024/07/05/6d1c71b11f47d69763d281f32bf23e791720119432891200_original.jpeg?impolicy=abp_cdn&imwidth=100)
![Subramanian Swamy | ”சோனியா, ராகுலுடன் டீல்! கொலை வழக்கு பயமா மோடி?” பற்றவைத்த சுப்ரமணியன் சுவாமி](https://feeds.abplive.com/onecms/images/uploaded-images/2024/07/04/15280c730692a29f5492a4557fc8a86d1720105394957200_original.jpeg?impolicy=abp_cdn&imwidth=100)
![TN Cabinet Reshuffle | பதறும் அமைச்சர்கள்.. கட்டம் கட்டிய ஸ்டாலின்! அமைச்சரவையில் மாற்றம்](https://feeds.abplive.com/onecms/images/uploaded-images/2024/07/04/3558d3679214226c47d4a9206dddc25c1720105131221200_original.jpeg?impolicy=abp_cdn&imwidth=100)
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)